影片
更多
2017-07-06
3374 浏览
La Parole的法文意思是 “語言”，餐廳的名字背後有一個美麗的故事。La Parole餐廳由社會企業Confiserie Benji Limited經營，語言障礙的兒童，讓他們獲得適當治療，積極融入社會。扣除成本後將撥捐給語言障礙兒童！又可以做善事！又可以享用美食一舉兩得！我今次食第3次，第一次食已經係四年前， 我仲記得有發光嘅Menu另外有六道菜， 而且每道菜都非常精緻，我好印象深刻係記得我食主菜前佢會比一個檸檬sorbet我話清一清個喉嚨去食嚟緊嘅主菜! 佢亦都會介紹每道菜係乜嘢材料點樣食等等，此外亦都會有人過嚟問我地食物如何。仲有一樣好窩心的就是當時我坐的位置好凍我做了一個好凍的動作，離遠有一位比利時waiter見狀即時去熄冷氣然後同我講,真係好貼心♥️所以呢間餐廳對我第一印象非常好！事隔2年我食第二次雖然冇之前菜式咁多但係款式都好精緻。Service亦好好。到今年我生日又再來呢度，坐低嘅時候俾咗好多回憶我，今次餐牌轉了3 course Menu, 雖然係少咗但係唔緊要照叫了海鮮拼盤$688 , 另外再加黑毛豬$488.首先會有welcome bread 微熱的，有牛油，橄欖
La Parole的法文意思是 “語言”，餐廳的名字背後有一個美麗的故事。La Parole餐廳由社會企業Confiserie Benji Limited經營，語言障礙的兒童，讓他們獲得適當治療，積極融入社會。扣除成本後將撥捐給語言障礙兒童！又可以做善事！又可以享用美食一舉兩得！
我今次食第3次，第一次食已經係四年前， 我仲記得有發光嘅Menu另外有六道菜， 而且每道菜都非常精緻，我好印象深刻係記得我食主菜前佢會比一個檸檬sorbet我話清一清個喉嚨去食嚟緊嘅主菜! 佢亦都會介紹每道菜係乜嘢材料點樣食等等，此外亦都會有人過嚟問我地食物如何。仲有一樣好窩心的就是當時我坐的位置好凍我做了一個好凍的動作，離遠有一位比利時waiter見狀即時去熄冷氣然後同我講,真係好貼心♥️所以呢間餐廳對我第一印象非常好！
事隔2年我食第二次雖然冇之前菜式咁多但係款式都好精緻。Service亦好好。
到今年我生日又再來呢度，坐低嘅時候俾咗好多回憶我，今次餐牌轉了3 course Menu, 雖然係少咗但係唔緊要照叫了海鮮拼盤$688 , 另外再加黑毛豬$488.
首先會有welcome bread 微熱的，有牛油，橄欖醬，辣味番茄。
頭盤兩個都要沖繩生蠔及加拿大海膽三文魚籽，生蠔用了粗鹽墊底令凍嘅狀態延續，保持生蠔新鮮，沖繩生蠔體型比較細隻，蠔味較甜，口感Q彈！二海膽和三文魚子可提升生蠔的鮮味！唔錯
到主菜嚟啦，我本身諗住＄688嘅海鮮拼盤點都有啲睇頭啦，但一放底之下我有啲失望，係擺本之中我完全覺得係boiled西蘭花同薯仔做主角，起碼有半碟。應該用牛油煎香少少都好掛😅而龍蝦細隻仲要得半隻，口感尚算彈牙新鮮的，另外北寄貝沒有開半所以入面要清洗得好乾淨，但係我男友食到有一隻有沙，犯了最低級的錯誤。（我返到屋企睇返Menu先知本身係海🦐但係轉北寄貝我冇為意但係個waiter亦都冇同我講)龍蝦底有塊黃花魚，肉質滑溜鮮甜。 扇貝煎得唔錯入邊仲有少少生，外面有焦香。
另外跟海鮮拼盤配蒜蓉包及三個sauces，包括cream cheese ,辣味蛋黃醬，同埋一個紅醋嘅味道，唔太肯定。
男友的西班牙黑毛豬，有2大件！份量頗多！整體味道好食過海鮮拼盤。黑毛豬夠juicy , 口感紮實但唔un , 另外配蜜桃果醬減低肥膩感。呢個值得推薦👍🏻
最後甜品叫了荔枝梳乎厘配荔枝雪糕！反而呢個令到我有驚喜因為冇諗過咁大個！😁相比之下個雪糕就細得滯😂根本就唔夠送個梳乎厘！因為生日所以waiter都有講生日快樂另外寫咗happy birthday , 因為掛住影相到食嘅時候個梳乎厘都淋咗一半😂味道唔錯有淡淡的荔枝味，不過一個人未必食得晒。最後最後以一杯齋啡作結尾♥️
另外我都有問過侍應我話點解無咗發光Menu ,佢就話因為呢度調光左所以轉返普通menu ，另外還認得我男友因為長頭髮😂😂但對上已經事隔兩年仲應得👍🏻
张贴
