辣吧 (已結業)

早兩日舊同學結完婚，決定圍內幾個老友去食餐飯賀賀佢。甘岩醒起之前途經諾士佛臺，見到辣吧員工派傳單，比上面海鮮戰艦張相吸引左，所以今日決定即日打去book位試一試。辣吧嘅配套做得比較特別，例如有condom包裝造型嘅濕紙巾，熊貓造型嘅筷子托，圍巾參照國內比較流行嘅公仔配上自製文字，由於之後食野會彈到周身都係，記得要帶返條圍巾丫一行六人去到，先叫個海鮮大咖，由於有一個大肚婆唔食得海鮮。所以叫咗六款海鮮，五人份量($288/1位)，麻辣就就返大家叫咗小辣，六款海鮮包括每人一隻鮑魚，帶子，蟹 ; 一堆魷魚，蜆，蟹柳同蝦。配菜方面有芽菜，薯條，生菜同豆卜。底下仲有烏冬。味道方面魷魚係比較出色，反觀其他海鮮方面，鮮味不算特出，食到既辣味比較多。蟹係每人一隻，但size不算大，蟹膏都不算出眾。另外，麻辣方面小辣已經食到一眾男士流哂汗，如果約女女去食記得帶定紙巾丫另外叫左十款既串串香，每款三串，total 30串($128)，味道唔錯， 麻辣味幾入味，但美中不足嘅係好多時拎起竹簽，舊肉已經跌咗落個碗入面， 要撈返上嚟食。最後一共六人，叫咗一個海鮮戰艦，30串既串串香，兩碟肥牛，同兩個啤酒tower，人