虎鐵鐵板燒

营业中

休息中

食物新鮮，但師傅處理食物有問題，煮嗰陣己經見佢好乸西，整隻鮑魚攪到隻鮑魚四圍跣，個鏟一𠝹開隻鮑魚d汁四圍唧，跟手再跣埋隻鮑魚落爐邊條垃圾曹，轉頭攞個垃圾箱入廚房（我諗係洗洗佢）再攞返出黎，我問佢「呢隻係頭先隻鮑魚？」佢話唔係，換咗，但明明呢隻「新」鮑魚係煮過下，咁快拎入去又可以起埋肉煮到既？但佢嗰隻鮑魚唔係比我，所以我冇即場投訴，但以后都唔會再去，因師傅處理食物極唔衞生，成餐飯，佢煮伴碟既配菜係燶既，鵝肝都係過熟，基本上佢煮嘢係冇心同求其，如果你係1月2日晚上7-8點係嗰度叫咗個有青邊鮑既餐而你唔係坐bar枱，我相信你己經食咗隻垃圾桶鮑魚，希望你腸胃冇事。