一瀧 (已結業)

日本料理我又嚟啦，今次嚟到位於金朝陽中心2期8樓嘅旁邊嘅一瀧居酒屋。餐廳好有日本特色，入到黎就感覺好似去到日本甘🙈。。海蘊紫菜醋物杯呢個前菜好特別，一個魚尾嘅形狀裝住海蘊紫菜😋，夾起嚟食又得成個杯就咁飲都得，酸酸地好開胃，無論打卡定係味道都吾錯👍🏻。。三瀨雞全翼一夜干夜干雞翼幾好食，烤得好干身，而且非常香脆，調味啱啱好，唔會太鹹，食得好惹味☺️。。魚子白蝦吞拿魚蓉壽司首先最特別嘅一點係，嗰壽司會有一個好似紙質嘅撻皮裝住，而原來呢一個撻皮係用昆布製作🙈，即係話成個壽司所有都可以食得，如果店員唔講真係估唔到😂。賣相特別，而味道都唔差，三文魚子同黑魚子口感真係好正，再加上白蝦同吞拿魚蓉嘅鮮甜味道，真係好好食😍。。刺身五點盛刺身好鮮甜，分別有鮫鰈魚、太刀魚、深海池魚、牡丹蝦、帆立貝😍。鮫鰈魚口感嫩滑，而目爽脆彈牙 。而太刀魚口感較為紮實，更為有咬口☺️。。棉花糖A4宮崎和牛壽喜燒第一份見到嘅壽司係大大個嘅棉花糖😂，棉花糖慢慢溶落去個鍋底度，但係又唔會話太甜或太膩，味道啱啱好而且鮮甜，尤其是菇類同蔬菜，好入味，而且宮崎和牛大大塊，脂肪分布均勻，見到就已經流晒口水🤤。