金裝燉奶佬餐廳 (大圍道) (已結業)

本身屋苑樓下餐廳已經滿座+員工不勝負荷。專誠坐馬鐵落大圍諗住餐廳多啲，人口分散啲，起碼有番個似樣的早餐食。點知都係食到一肚氣。等位等了2分鐘，算快。已經不敢要求甚麼，就上樓依照安排搭枱坐下。叫了個餐肉+炒蛋公仔麵，熱奶茶。好例牌啫，諗住無咩差池。點知⋯ 我根本無轉過位，落單個阿姐寫錯枱號。結果食物當然送錯去另一張枱。都唔緊要，輾轉一輪都會返黎。問題是，送食物來嘅阿姐將責任推咗落個客、即係我身上，話我轉咗枱所以送錯。我 由 始 至 終 都 係 坐 同 一 張 枱 !!!!!都算。望住枱面碗麵，忍不住問阿姐，這是炒蛋嗎？我叫炒蛋唔係煎蛋⋯ 眼前的蛋白和蛋黃顏色分得好清楚，而且很老，根本就是煎蛋的模樣⋯⋯ 怎料阿姐竟然說：「這是炒蛋。撈得唔匀，張就下啦！」咁都得？！食落去，所謂的炒蛋是完全沒有味道的，質感像煎蛋（影相出來又是另一回事⋯ 可能就是這個原因被餐牌的相片騙了⋯）餐肉薄得很，被湯浸到未夾都散。麵的湯也是無味的。唉⋯ 附近餐廳選擇眾多，實在毋須再張就來幫襯～