雲南小鍋米線

营业中

休息中

今日遲左起身冇食早餐，於是就同屋企人求求其其搵間lum住食個lunch算，咁arm行過呢間問一問有冇位，結果閣樓個度有檯，於是就入左去食啦！每次搭車經過呢間米線舖都見到好多人係度等緊，所以都冇試過真係入去食，今日終於可以睇下係咪真係好食到次次都咁多人排隊！佢個menu係得一頁紙咁大把，如果要叫唔辣佢就會冇肉碎因為d肉碎係辣既。不過我完全唔食得辣都食到最普通個種辣。佢一碗入面自帶酸菜韭菜芽菜同埋肉碎，同d連鎖店一樣唔要d咩都可以走既。價錢就雖然冇連鎖店咁平但係真係好食！個湯就酸酸辣辣咁不過酸既成份我覺得佔得多d！我屋企人叫左薯粉，我都試左少少，我覺得薯粉其實好食好多😂佢d薯粉係粗身既，好有咬口真係幾好食！四個人叫埋野飲大概一百八十蚊埋單都算唔錯啦！