豆花譜 (已結業)

今次完全中伏。同老公叫左肉醬意粉，mushroom risotto, 跟餐有餐湯同飲品。餐湯我地叫左羅宋湯同埋南瓜湯。湯味道ok, 可以飲晒。之後上主菜。老公既肉醬意粉醬顏色偏橙，食落發覺佢根本係茶餐廳既蕃茄肉片碟頭飯嗰隻醬，完全唔係肉醬意粉醬。我叫既mushroom risotto仲可怕，成碟飯係黃色，每一啖都只食到牛油味，mushroom risotto應有既味道，佢係完全冇。最後，我係食左一半已經要停，實在太難食。最可悲係，d「牛油飯」令我胃頂住，忍唔住要嘔番出黎，再黎肚屙。真係唔會有下次。