影片
早餐有呢个配搭真系好唔错，可以拣两个𩠌，配奶酱多，真系好满足。从小处见到佢哋细心，红肠煎煎，又香口又迫左啲油出嚟，只蛋个卖相都好靓，公仔面都爽口😅，可以再次encore,下次试吓唔同款!
继续阅读
元朗区工作早餐，同事一直想试呢间，可惜早场好爆，几次都无位，今日终于等到去到就有位，因为座位真系唔多而且放得几迫，早餐选择以西式为主，落单之后就见店员在开放式厨房努力煮食！店名系「豆花谱」但餐牌系「峰餐厅」卡邦尼汁蘑菇火腿烟肉奄列（$43）份量大到吓人！我一见已知食唔晒，分咗四份一比同事，入面满满都系材料，蘑菇片弹牙不过无乜味，火腿丝、烟肉咸香，其实唔太觉卡邦尼嘅忌廉味！不过味道唔错！最后都食唔晒，食净四份一（即系我只食到半份！）奶酱多：多士香脆，花生酱已溶，加上炼奶香甜，好味茄汁豆：仲保持到系冻嘅！正常热柠蜜（跟餐加$2）够热酸酸甜甜！好味！同事食：烟鸭胸公仔面（$27）火腿奄列奶酱多：黑椒西冷牛扒配忌廉滑蛋、茄汁焗豆、奶酱多（$45）冻咖啡：冻柠茶：食物几好味，早餐款式难得有惊喜！而且份量大，西式虽然价钱贵啲！即叫即做，拉匀都抵食！店员爽手唔废话！有特色早餐
继续阅读
超值👍👍麻甩#alldaybreakfast 有无人觉得张相有咩问题?🙈伪文青话:你系咩人就会睇到d咩嘢💩 我就觉得师傅个摆碟摆得好靓😂依个$34 冻饮加$2😁 我就觉得早餐系要食个粉面先会饱 所以加多个 #沙嗲牛米 都系加$10👍依个allday有齐烟肉 蛋 肠仔 茄汁豆.其实我好少食allday因为觉得出面卖$8-9x 好唔抵😂.三个90后吃货不断开心share美食💓📍OpenRice: 3bad_foodies大家亦可以向三个吃货介绍美食👻我们一定会去试👅#爱吃也爱分享 #三个90后吃货 #3bad_foodies#三个90后吃货_元朗美食推介 .
继续阅读
肉眼所见似布甸，但店中写明黄豆所制，无石膏粉，同传统豆花又不一样，因为不是水豆腐一桶桶片出黎，佢像百褔口感，加左花奶黑糖，真系好滑同豆味唔错，如果净食豆腐，只有豆味，唔加黑糖真系唔得，老板话就当布甸禁食，千万唔好整烂佢食，一啖一匙真系比普通豆花特别，佢仲有澳洲果酱可以选择，另外仲有灵芝咖啡/灵芝奶茶饮，感觉对身体有益，可以一试。
继续阅读
我钟意食日本野, 不过间唔中转食西餐都唔错。依间豆花谱系朋友介绍, 起初我以为系食豆腐花, 原来系西餐, 真搞笑! 门面太黑啦, 我冇影, 只系影左主菜。原来依度的carbonara几好食, D汁够多又重芝味, 系就肥D, 鬼叫我对芝士冇抵抗力。另外一份铁板蒜茸猪扒饭都好足料, 猪扒厚身, 配菜都唔少, 蒜茸汁仲好香添。不过稍为咸左少少, 食得多会口渴。最后饮埋杯冻柠茶少冰, 又系好饱的一餐。今餐朋友请食饭, 多谢哂, 下次非粮尾时我请返啦。
继续阅读