影片
更多
2010-06-21
19 浏览
我叫左個擔擔面, 魚羮, 同水煮桂魚我想話, 擔擔面其實好食, 佢先上, 我仲對個水煮魚好有期望, 因為仲係佢推介, 魚羮就不過不失啦, 小小稀左但個水煮桂魚...168喎! 去大多數酒家都食到合理水平, 但係呢...第一, 佢份量係少得離奇, 薯粉只有半碗仔左右, 芽菜又只有半碗仔, 魚絕無一條或半條, 二十片左右, 當中包括骨喎, 以我一個女仔一人食哂全碟, 都飽唔過我食完碗譚仔, 係咪太過份? 168喎, 唔係例牌喎! 相中大家可以見到, 個碟只有一隻食指深, 但佢唔係fill哂架嘛, 我篤隻筷子落去, d料只有3cm左右, 當中包括大量不是用來吃的辣椒同湯....第二, 係魚唔新鮮, 因為其實食咁辣好多時都唔覺, 但食到個肚呢, 都食到好明顯有腥味...搞到我又要棄掉...本身已經少魚....第三, 係唔正宗, 大家可以睇到, 佢係無人地水煮魚面頭果層油, 佢係非常全球在地化咁變成左辣既送飯汁, 而且佢個辣, 係一般潮州辣油果種感覺既辣, 係唔麻的!!!!!!唔係麻辣既水煮魚...真係算吧啦, 我全程食唔到一粒仔麻辣既香料粒粒(係咪叫花椒), 無呢種香料又點可以叫水煮魚? 最多
我想話, 擔擔面其實好食, 佢先上, 我仲對個水煮魚好有期望, 因為仲係佢推介, 魚羮就不過不失啦, 小小稀左
但個水煮桂魚...168喎! 去大多數酒家都食到合理水平, 但係呢...
第一, 佢份量係少得離奇, 薯粉只有半碗仔左右, 芽菜又只有半碗仔, 魚絕無一條或半條, 二十片左右, 當中包括骨喎, 以我一個女仔一人食哂全碟, 都飽唔過我食完碗譚仔, 係咪太過份? 168喎, 唔係例牌喎! 相中大家可以見到, 個碟只有一隻食指深, 但佢唔係fill哂架嘛, 我篤隻筷子落去, d料只有3cm左右, 當中包括大量不是用來吃的辣椒同湯....
第二, 係魚唔新鮮, 因為其實食咁辣好多時都唔覺, 但食到個肚呢, 都食到好明顯有腥味...搞到我又要棄掉...本身已經少魚....
第三, 係唔正宗, 大家可以睇到, 佢係無人地水煮魚面頭果層油, 佢係非常全球在地化咁變成左辣既送飯汁, 而且佢個辣, 係一般潮州辣油果種感覺既辣, 係唔麻的!!!!!!唔係麻辣既水煮魚...真係算吧啦, 我全程食唔到一粒仔麻辣既香料粒粒(係咪叫花椒), 無呢種香料又點可以叫水煮魚? 最多叫辣魚姐....
168喎! 如果食水煮魚, 大家真係千祈唔好食呢間, 少料唔飽唔好食, 可以話係一肚氣....仲推介囉.....堅灰...大家去真係食擔擔面好喇, 佢個擔擔面都有麻辣....比起出面都有得比......
张贴
