札幌元祖北海道拉麵 (已搬遷) 新店位置

同女友响中環辦完私務揾嘢食，想食一餐casual dinner，就決定嚟呢度...想想都有差唔多年多冇嚟食，查實應該係大師傅走咗之後就冇嚟過，試睇吓水準有冇差咗先...女友鐘意食牛油拉麵，就叫咗牛油鹽湯底，自己就order極上醬油湯底，再加個薯仔沙律、帶子及餃子，又係另一個食物盛宴..試女友個湯底，頗清，冇死鹹感覺；塊牛油用嘅係北海道貨，溶入湯底中，唔錯，不過如果塊牛油可以大塊D會更好..自己個醬油湯底就相當good ---- 入口好清同時，亦感受到濃濃醬油香味，加上大量粟米及昆布，令湯底變得更甜；义燒亦出色--- 彈牙、半肥瘦嘅肉夠豐腴，吃得不亦樂乎。可惜麵嘅水準有D下降--- 用嘅雖然仲係西山拉麵，不過淥得唔夠彈牙，洗鹼工序做得不太好，有少少鹼味，美中不足..雖然係咁，仲算食得過嘅...其餘配菜水準普普通通la..淨係個湯底都值得俾個笑臉ge..