富聲魚翅海鮮酒家 (已結業)

同啲朋友叫咗一個餐，價錢都唔平，都幾貴下，但食嘅味道都幾好！一開頭黎隻燒豬，望都大隻，但切完出黎都只係每人得一塊仔，皮都幾脆，但肉較少，味道食唔出咩，之後要講嘅係雙色雞，都幾好味，特別係白切，肉質都幾嫩，又滑，又有味，食得大家津津有味，跟住講下個叉燒，真係幾好味，肉質軟而好入口，蜜汁甜而不油，但就好似細碟咗少少，到最後推介係脆麻花，真係好正呀，放咗一陣先食都仲係咁脆，上面嘅蜜糖令成個脆麻花添上顏色，入口脆而帶甜，味道剛好，不會太甜，又不會太硬！