老上海飯店 (已搬遷) 新店位置

同幾位舊同學食晚飯，由最大食果位發板黎食上海野，貪佢地點近住我地幾個遲收工人士o既office，又係老字號。八點幾黎到，只得幾檯客，畢竟係星期一呢！四個女仔，叫左醉雞拼烤夫、無鍚脆鱔、金針木耳老煎蛋、砂鍋獅子頭、蘿蔔絲鰂魚湯同火腿津白。個雙拼o既醉雞份量少得可憐，得四、五小件，而且既冇酒味，亦冇雞味，唔及格！無鍚脆鱔唔夠脆，雖然切得幾幼身，但食落係韌韌的，個汁就超甜，唔掂！金針木耳老煎蛋反而唔錯，味道剛好，有蛋香，都幾送飯。砂鍋獅子頭o既白菜仔索滿汁，都好味，不過個獅子頭就只係一般，上檯時已被汁浸腍晒，馬蹄o既份量亦略少，帶唔起獅子頭應有o既口感。蘿蔔絲鰂魚湯完全冇魚o既鮮味，不過亦冇腥味，味道係不過不失，起碼夠熱咁啦！火腿津白清清淡淡，都ok啦！同幾個老友傾傾講講，聽下好少出黎、已為兩子之母o既其中一位講下湊仔經，不經不覺都食左兩個幾鐘。兩子之母同老公都係大細路，成日同個仔玩到最後一刻至趕功課，如星期三學校派o既圖書，佢地個個禮拜都係拖到星期日夜晚十一點幾，至o拿o拿聲用幾分鐘讀俾個昏昏欲睡o既仔聽，然後草草代筆完成個閱讀報告，真係笑死！不過唔講唔知，原來家陣有強制親子功課架，個閱讀