莎厘娜餐廳 (已結業)

莎厘娜，離屋企都有約十個巴士站既距離，唔近唔遠咁，附近又無咩野行，細細個時成日心裡問同一個問題，點解佢重做得住既？！直至有一日，爸媽帶我去食(當然係上世紀既事......)，終於得到答案，好好食！而且聽聞有HKU職員及住在右近既西人既支持，多年來晚市都係8成滿以上(當然，店子面積又是細得.....)！當年既價錢同今日比，相比起HSBC股票多年既升幅，今日既價格絕對係有平無貴！上個月又到莎厘娜dinner，要左個西冷扒餐，佢既羅宋湯，真的很好味，加埋新鮮熱辣既蒜容包，正！之後上既西冷扒配蘑菇汁，蘑菇汁其實係一般西餐紅汁(洋蔥汁)加上罐頭蘑菇，蘑菇數目不少，個汁有着薄薄既蘑菇味，配上岩岩好半生熟而又多肉汁既牛扒，非常好味！老婆既蒜容汁西冷亦相當好，蒜容汁是舊式西廚做法，大量蒜容粒加蕃汁等煮成。最後一杯咖啡作終結，完成一個美味既dinner。莎厘娜絕定係香港其中一間最好既舊式西餐廳！