稻成 (K11 Musea)

琴晚同朋友口痕想食中菜就去左K11 MUSEA稻成，入去裝修好大反差，好有設計感，冇諗過係食中菜既，令人更加好奇。入到去餐廳之後，同事好好咁樣叫我哋自己揀一個覺得舒適嘅位置，因為嗰陣時人流唔多。

本身冇抱住太大期望，但冇諗過菜式都好出色，每一道菜都感受到師傅好比心機去做。員工亦十分好態度，亦感受到同事之間都相處融洽。

試咗好幾道菜都冇令到我失望，甚至最後嘅甜品都好好食，唔會太甜，就算食到好飽都仲食得晒一碗。

本人一定會再幫襯！

煙燻魚十分之出眾，出面嘅皮唔厚又好脆，而且唔會覺得好油膩，師傅保持到入面魚肉嫩滑，好出色。

1

外面既酸菜魚大多數魚肉都唔滑，但冇諗過稻成嘅酸菜魚竟然可以保持肉質嫩滑，湯底仲好足料，好好飲。

皮薄餡靚，而且好多湯汁，如果唔係太飽仲想叫多一籠啊！