影片
更多
2005-03-22
4 浏览
其實原本係想去apm shopping兼食飯o既,但果度十室九空(不過全都裝修緊,下個月再去!!),食肆唔係冇o既,只得一間拉麵同一間日本料理囉..又唔想食日本野,咁就走o左去對面裕民坊果邊搵食.女友想食西式,o係花園餐廳同Pizza Hut度揀,卒之揀o左Pizza Hut,因為好耐冇去過, 對上一次去可能係四至五年前了。晚上八點半,好多吉檯,兩個人叫了帶子三文魚酥皮湯、大蝦沙律、炸墨魚塊、超級夏威夷批同一杯汽水.大約等o左十分鐘o的食物就開始黎o勒~湯--比罐頭湯好少少的水準,有忌廉香但唔夠creamy,材料算交足工課,酥皮唔夠酥但很夠熱,整體可接受.沙律--完全唔掂!材料唔新鮮,蘋果粉o既,蜜瓜冇味,而沙律醬亦係冇味,最似樣係伴碟果兩條romanie。蝦亦同樣不濟,無錯係爽口,但係由色澤到口感都非常假,完全冇蝦味。好懷念以前自助沙律吧,有得食又有得玩。炸墨魚塊--賣相金黃色唔錯,但太多油,墨魚餅太削,食落冇o趙頭。pizza--係最好食o既一樣!材料舖排均勻,亦算新鮮,芝士及茄醬份量適中,批底做得幾薄但係唔夠脆。服務方面幾好，個個侍應都好nice,落單同收碟都好有禮貌.埋單連加一
晚上八點半,好多吉檯,兩個人叫了帶子三文魚酥皮湯、大蝦沙律、炸墨魚塊、超級夏威夷批同一杯汽水.
大約等o左十分鐘o的食物就開始黎o勒~
湯--比罐頭湯好少少的水準,有忌廉香但唔夠creamy,材料算交足工課,酥皮唔夠酥但很夠熱,整體可接受.
沙律--完全唔掂!材料唔新鮮,蘋果粉o既,蜜瓜冇味,而沙律醬亦係冇味,最似樣係伴碟果兩條romanie。蝦亦同樣不濟,無錯係爽口,但係由色澤到口感都非常假,完全冇蝦味。好懷念以前自助沙律吧,有得食又有得玩。
炸墨魚塊--賣相金黃色唔錯,但太多油,墨魚餅太削,食落冇o趙頭。
pizza--係最好食o既一樣!材料舖排均勻,亦算新鮮,芝士及茄醬份量適中,批底做得幾薄但係唔夠脆。
服務方面幾好，個個侍應都好nice,落單同收碟都好有禮貌.
埋單連加一$21X,我諗又要隔幾年先會再去lur....
张贴