喜多嬉牡蠣屋 (已結業)

之前生日訂了喜多嬉牡蠣屋驚為天人，有得任食日本牡蠣養殖場既高品質生蠔，一直令我念念不忘🤤隔左兩個月再想book位發現餐廳轉左位，就係正扶手電梯搭到尾既LL Tower樓上舖，新址闊落好多，仲多左梳化位可以坐得舒服放題有分$498和$598價位，後者可以無限追加牡蠣刺身，蒜香焗牡蠣和焗元貝擺盤超靚既頭盤喜多嬉懷石八品，店員教我地順時針咁食，由品道清新淡味既伊勢海老羊羹、鮮嫩爽脆既愛知縣白象貝刺身開始食起，再到我最愛既茶漬飯同滑嫩既月見軟骨棒，樣樣都好好食❤️🦪牡蠣刺身大隻creamy 食得出好新鮮，同土佐酢啫喱、蘿蔔蓉好夾燒雞串燒以雞既不同部位製作如七里香、燒鳥砂肝、燒鳥頸肉等，非常惹味