潮江春 (怡和大廈) (已結業)

中環飲茶嘅地方唔多， 近住中環中心有兩間，雖然唔貴，但係唔好食。所以我哋一班同事如果要去飲茶的話，我哋會揀潮江春， 價錢一啲都唔平，但勝在有質素。今日又係一大班同事每個月飯聚嘅時間，今次大家都一致贊成去潮江春。由於要搶食嘅關係，今日冇時間影好多相，只係影咗四款食物，希望大家唔好介意啦！點心嘅推介有蝦餃同炸兩。 蝦餃嘅蝦夠大隻同埋彈牙。炸兩個油炸鬼又脆口， 今時今日好難得。小食嘅推介有鵝鹵水鵝片 同埋椒鹽鮮魷。鹵水鵝片嘅味道同埋口感 都好食。椒鹽鮮魷都唔錯， 魷魚 冇煮過火。