影片
更多
2017-05-09
124 浏览
話說前排小弟喺網上見到平機票去日本，一心打算搶咗之後，可以平平哋喺畢業之後去轉日本，點知搶唔到，好傷心，連個server都入唔到⋯⋯我姑姐知道咗我嘅苦況之後，就話帶我去食好嘢補番數。原來佢帶咗我去銅鑼灣食日本嘢，就係焱丸水產！我上年同家姐喺尖沙咀食過第一次，佢哋喺港島區開咗新店！一入到去，熟悉嘅日本風裝修，令到我好似真係去咗日本咁，呢度嘅裝修不比尖沙嘴差啊！如果要選最佳裝修嘅餐廳，我一定會選焱丸水產！坐低冇耐，店員熱情咁介紹是日精選，我哋都諗咗十分鐘，之後就決定到叫咩食喇！首先，先食一個沙律，就係蟹子蟹肉薯仔沙律，蟹肉都幾多，薯仔粒唔會好硬，再撈埋沙律醬，好清新！下一樣梗係必食嘅刺身啦！我叫咗個小刺身盛，入面有帆立貝、油甘魚同三文魚，三文魚好新鮮，食落冇渣；帆立貝非常鮮甜，又爽口；油甘魚完全唔韌，又唔腥，全部三款都要讚啊！姑姐話想食啲飯落肚，所以我就提議叫一個壽司盛合，個盛合好豐富，有吞拿魚、熟蝦、三文魚、鰻魚、三文魚子、海膽、帶子、青瓜小卷、鯛魚等，海膽極鮮甜，食落有海水味；仲有個鯛魚好特別，好爽口，唔講仲以為食緊魷魚！呢個壽司盛合真係冇得彈啊！之後就到全晚嘅焦點喇！就係食浜燒！呢個
我姑姐知道咗我嘅苦況之後，就話帶我去食好嘢補番數。原來佢帶咗我去銅鑼灣食日本嘢，就係焱丸水產！我上年同家姐喺尖沙咀食過第一次，佢哋喺港島區開咗新店！
一入到去，熟悉嘅日本風裝修，令到我好似真係去咗日本咁，呢度嘅裝修不比尖沙嘴差啊！如果要選最佳裝修嘅餐廳，我一定會選焱丸水產！
坐低冇耐，店員熱情咁介紹是日精選，我哋都諗咗十分鐘，之後就決定到叫咩食喇！
首先，先食一個沙律，就係蟹子蟹肉薯仔沙律，蟹肉都幾多，薯仔粒唔會好硬，再撈埋沙律醬，好清新！
下一樣梗係必食嘅刺身啦！我叫咗個小刺身盛，入面有帆立貝、油甘魚同三文魚，三文魚好新鮮，食落冇渣；帆立貝非常鮮甜，又爽口；油甘魚完全唔韌，又唔腥，全部三款都要讚啊！
姑姐話想食啲飯落肚，所以我就提議叫一個壽司盛合，個盛合好豐富，有吞拿魚、熟蝦、三文魚、鰻魚、三文魚子、海膽、帶子、青瓜小卷、鯛魚等，海膽極鮮甜，食落有海水味；仲有個鯛魚好特別，好爽口，唔講仲以為食緊魷魚！呢個壽司盛合真係冇得彈啊！
之後就到全晚嘅焦點喇！就係食浜燒！呢個就係必食嘅蟹噌甲羅燒！將蟹肉蟹膏拆肉，再放入蟹蓋加埋鵪𪂹蛋一齊燒，燒好之後蟹膏味超香，食落好甜，水準果然維持到！
除咗燒蟹蓋，我哋仲有個活貝盛！入面有兩隻蠔、兩隻鮑魚、四隻白蜆同兩隻帆立貝！新鮮鮑魚燒好完全唔洗蘸醬油都已經夠味！
隻蠔仲大個我塊面
我之後仲多手叫多個炸雞同野菜烏冬，炸雞算唔錯，又冇骨，個野菜烏冬就當係蔬菜啦，出去食都要健康啊！
我仲試咗杯菠蘿燒酒！
焱丸依然係我最中意嘅餐廳之一，百食不厭！
张贴
