一風堂 (新港中心) (已結業)

同朋友落開新港中心，想食麵時又唔想食FOOD COURT，所以就ENCORE一風堂，對上果次都成年之前喇。 今次我地叫左兩個麵，我叫左一個特盛黑蒜拉麵，朋友食果個應該係赤丸新味，再加左個小食炸紫菜墨魚酥。對比上次食，真係幾失望而回，我食開麵都唔中意太林，所以要求店員要硬身D，點知一上台，麵又唔太熱，而D麵都好林，冇上次咁好食之後個小食，一定係炸完之後擺左好耐先送上台，所以都唔夠熱，炸粉又厚，我本來真係好中意好中意食呢個架！唔知係咪因為太紅了，所以客人愈多時，水準隨之下降，希望下次再黎時會有改善，可以食返上次既水準了。