十和田總本店

营业中

休息中

同朋友去尖沙咀行街，咁啱見到一直都好想試嘅十和田，諗都唔諗就入左去啦。舖頭嘅裝修都簡單，以綠色為主，配合啲木，感覺都幾舒服。我同朋友嗌左中吞拿魚刺身（$148），一碟有三件。刺身都幾厚切，又幾新鮮，完全冇筋，好好咬，而且幾肥美，好食。火炙牛肉赤蝦卷（$108），呢個幾特別。牛肉唔係全熟，見到仲有啲粉紅色，所以唔會韌。赤蝦好彈牙，成個感覺好夾好特別，我幾鐘意食。水果番茄三文魚帶子丼（$168），呢個丼份量好足，我同朋友一人一半都食到好飽。番茄配三文魚帶子又幾夾幾fresh喎，唔錯。