茶墨 (已結業)

今日行街到攰攰地, 經過lee間茶飲店好多人, 就行過去試下啦。茶墨, 見到竟然推介麻糬而唔係普通既珍珠, 啱晒我lee d麻糬控。水墨茶系列係主打, 所以叫左: 麻糬芋泥苿莉鮮奶綠, 少甜少冰, 再跟件日式奶茶蛋糕。本來想試下佢個巴斯克蛋糕, 可惜已經售罄。由於佢每杯都要時間即整, 所以都要等成10分鐘左右。 係等野飲既時間都等下位啦。 因為係商場入面, 枱比較少, 而佢都設有企位區。 不過都係滿晒人, 好彩最後都等到有位可以坐。 攞埋野飲就可以舒服咁飲啦。杯芋泥水墨掛杯做得ok幾靚, 當然黑白係最出彩既, 但芋泥都啦錯。 飲落先發覺佢真係好真材實料, 因為個掛杯真係掛左層芋泥, 好香, 好好食。 而芋泥夠香又唔會搶左茉莉茶既香味, 佢地既配搭啱啱好。 而麻糬亦都好好食, 好似食緊小丸子咁，又好Q彈。 杯茶飲出奇地好正。個日式奶茶蛋糕，好香茶味，有d伯爵茶feel, 但又唔太濃味。 口感鬆軟, 同杯茶幾夾。 lee間茶飲真係好唔錯。