影片
更多
2010-09-23
94 浏览
本來開開心心的諗住中秋節食餐好的，結果........(我之前來不及 check check open rice 先，無心理準備是如此差的)跟樓下的食家「一生中遇到最差的服務」極有同感！我跟那位食家相差兩個月的時間寫 review，證明它的 service 是從沒 improve 的！！！！虧那位中年女服務生說我會將你的意見跟老闆講！？超錯.....尋日所受到的事比樓下食家遇到的實在有過之而無不及！最不知所謂最乜都 say no 的待客之道！如果佢係一間高級到不得了的地方 - OK如果佢係 dinner 時間 - OK如果佢 offer 的食物質素係頂級的 - OK但我只是食個 lunch ，而且 location average，食物質素還極普通，既然以上皆不是，它憑什麼提出如此無理的要求！服務是負分的！它以後就算有改善，有任何 promotion 我也不會知道，因為已經不打算再去了！！！！！！容我詳述今天匪以所思的事件：我地 5 位，因無得 book 要先到先等，我地都寫定 order 先，侍應生問願不願意分檯，我地話 ok，結果等了差不多 30 mins (已經 1:27pm
跟樓下的食家「一生中遇到最差的服務」極有同感！我跟那位食家相差兩個月的時間寫 review，證明它的 service 是從沒 improve 的！！！！虧那位中年女服務生說我會將你的意見跟老闆講！？超錯.....
尋日所受到的事比樓下食家遇到的實在有過之而無不及！最不知所謂最乜都 say no 的待客之道！
如果佢係一間高級到不得了的地方 - OK
如果佢係 dinner 時間 - OK
如果佢 offer 的食物質素係頂級的 - OK
但我只是食個 lunch ，而且 location average，食物質素還極普通，既然以上皆不是，它憑什麼提出如此無理的要求！服務是負分的！它以後就算有改善，有任何 promotion 我也不會知道，因為已經不打算再去了！！！！！！
容我詳述今天匪以所思的事件：
我地 5 位，因無得 book 要先到先等，我地都寫定 order 先，侍應生問願不願意分檯，我地話 ok，結果等了差不多 30 mins (已經 1:27pm)，好不容易有張 4 人圓檯賣單，及遠方的長檯有 1 個單丁位，我地話我地不介意逼 d ，可否在 4 人檯加多 1 位........開始了我地跟侍應生「妙語連珠」的對話。
中年女服務生：唔得呀，因為老闆規定呢張檯只可坐4個人 (repeat 多次)
我地都話唔介意逼 d (repeat 多次)
中年女服務生：唔得呀，因為我地個便當係木盤上，只係夠位擺4個
咁你老闆唔係度，做生意可以 flexible d
中年女服務生：真係唔得呀，我同你繼續講多 15 分鐘我都會話真係唔可以坐 5 個人囉 [what kind of reply is this???]，不過我會將你地既意見同老闆講
咁你老闆係邊？
中年女服務生：我老闆唔係度
咁你話我地知我地有 5 個人可以點做？
中年女服務生：可以等個邊 (指長檯)
咁你可以落住我地個 order 先，我地邊食邊等個邊長檯囉
中年女服務生：真係唔得呀，我未落你地個 order 架，咁樣我落唔到架
其實你係咪驚呢張檯唔可以落 5 個 order 即，咁你 1 個 order 寫落個個單丁位，但個餐上係呢張 4 人檯未得囉
中年女服務生：真係唔得呀，只可以坐 4 個咋
咁你係咪想我地走？
中年女服務生：咁又唔係
[終於隔黎的 4 人圓檯走人，而且門口無人等位]
人地賣單，咁一係拉埋個張檯過黎未得囉？
中年女服務生：個 setting 係咁，個張檯唔可以搬架
咁我 1 個人坐個張檯啦
中年女服務生：唔得呀，個張圓檯係坐 3-4 個人，1 個人唔坐得架 [what????? 出面無人等位喎]
[我地已經俾左好多 ideas 佢去解決呢個問題！]
跟住一個後生 d 女服務生埋黎，其實個下真係想問佢地個名！點解 d service 咁唔 flexible 而且仲極度 stubborn。
(扯下 walkie talkie])女服務生：我問過你地話介唔介意分檯架喎 [真係勁唔 make sense 呢，就算分檯，通常都可能會 pair up 咁，點會單丁一個出黎？] [時間已經1:40pm，我只有 20 mins 食 lunch 時間]
算啦，一肚子氣的我結果坐在隔黎只有 3 位食客的 4 人圓檯。
我見只有那位男侍應做野小心，另外個 2 位女服務生可以說出如此唔 make sense 的對話真係讓我「嘆為觀止，搖頭不止」。
1:51pm ，我要的三杯雞飯終於都上，配熱綠茶。同事要的奶茶，我試了真係幾麻麻地。沒有茶味，typical 的台式重奶味，但佢重奶味得黎又比唔上日出茶太、貢茶等的街頭奶茶水準！無諗過差咁遠？綠茶則覺得不錯，夠熱同夠茶味。
Lunch menu 裡雖只得 10 樣野到，同檯的 3 位食客 comment 到上菜速度慢，而且無做 market research，收人家一個便當 $86-98 加一 (e.g. 紅燒牛肉麵、沙茶牛柳, etc 普通的台灣菜，款式少，實在不配叫「夜市」)，食物質素連他們也覺得不值這個價錢。以這個價錢可以吃到很好的 sashimi set 了，他們都說來一次試試就算了，以後都不會再黎，不化算。我也覺得要俾 $100 食牛肉麵不值，一係就係 Prince's Building 上的 Sevva 食二百蚊牛肉麵還可以推說因為地方高級。
我先嚐三味小前菜，豆牙 tasteless....中間那個麻辣豆腐也 tasteless，只有小黃瓜有少許嚐到調味料.....失望的前菜。
之後是讓人更失望的三杯雞....雖然米用上珍珠米我是覺得不錯的。出面的酒家，三杯雞會用上較濃味的 seasoning sauce 去調味，還有雞件會比較細件。這裡太大件，肉渣很容易黏到牙縫，而且薄荷葉太多，完全蓋過了我想要三杯雞那種鹹鹹的肉汁味。出面有好多小菜店都整得比佢好食....如果要食牛肉麵，灣仔的大婆牛肉麵幾好味架，也犯不著要 100 大元。我結果要趕在 10 mins 內吃完個便當。
Anyways，看完其他 reviews 更火大，因為證明它超錯的 strategy 是沒有改過的。以中環的租金，應該係要 turnover 大才賺到錢。這間店什麼都話唔得，等同趕客。起初，還被它的摺紙吊燈吸引。不過經歷了這麼一個 dramatic 的 lunch 後，這裡也沒有什麼值得的地方了。
<一生遇到最荒謬失望的一間餐廳>
P.S. Stanley St No.11 有那麼多東西吃，都比佢好！
张贴
