霸嗎拉麵 (德己立街)

营业中

休息中

喺中環食晏好多選擇，經過呢間拉麵店聽到啲日本歌，望下啲裝修又真係好日本feel, 所以入去叫左個限時限量都只係$78嘅檸檬豚肉拉麵，(另外再加十蚊要多碗青葱花，加十二蚊要紫菜)，先飲左啖湯底，好夠味，之後先至將三塊檸檬片撈落啲湯底度，再飲一啖，嘩，仲正過頭先，好好飲呀，跟住食個拉麵，有少少彈牙嘅感覺，夠口感，碗拉麵嗰一塊大大嘅半肥瘦豚肉好入味，好食，跟著我就將我食拉麵一定要有嘅大量嘅葱加入碗麵度，超正，再用脆卜卜嘅紫菜伴食，就成為我簡單得嚟好滿足嘅晏就了。