天草漁場 (已結業)

今日與一眾好友係銅鑼灣進餐，好耐都冇豪食過了，今次黎到一間好好氣氛既日本餐廳食 dinner set，由於餐廳位於一棟較新既大廈裡面，所以都搵左一段時間 😂 晚餐開始！上菜速度都幾快，今次我既晚餐頭盤係燒鰹魚刺身，刺身新鮮，稍為燒過下之後味道更香！之後就有明太子山芋鍋仔燒，味道好似大板燒個蛋底，而份量都幾大個，之後就係豚平卷，係用炒蛋包住豚肉，啲蛋炒得好滑，另到成件事好好！主食黎啦，天草緋扇貝同天草燒真蠔，好新鮮入味，不愧為天草！食左咁多重味道既野緊係要食返個菜清清去！呢個日本野菜盛拌蕃茄味噌，有唔同既蔬菜串食，最正一定係蕃薯！到最後就黎左個和牛炒飯，啖啖飯都充滿和牛味，好正！而甜品係雪糕，入面仲有椰子肉！