Shine (已結業)

一入到餐廳環境唔錯，好有氣氛，Shine既logo亦都帶到開心既感覺比每一位客人。小食試左鵝肝多士，鵝肝夠大份又juicy，但又唔會好膩，因為件多士仲夾埋兩片有蘋果醬既青瓜，感覺好refreshing! Order左kiwi soda, 隻綠色好治癒之餘仲有幾濃既奇異果汁味，唔會得個甜字。Main dish叫左脆炸德國鹹豬手配蜜糖芥茉醬，賣相比鵝肝多士失色，但勝在皮夠脆，就算上菜一段時間都唔會變到咬唔到。肉都夠淋，唔會話太韌咬唔開。值得一提係伴碟有啲酸菜，係西餐廳黎講都算少見，但食得太多肉覺得膩既時候，酸菜會令你胃口大開！之後仲叫左個肉醬千層麵，茄味同芝士夠濃，麵條亦好有口感，但麵層之間如果更分明，同埋做到更企身，就好啦！總括而言，shine係可以令你舒服傾計，舒服食野既地方，部分食物亦會有驚喜。臨走前見到其他人飲緊好特別既飲品，下次希望可以再黎試下其他款既mocktail！