MEMOIR (已結業)

朋友介紹黎到呢間銅鑼灣樓上西餐廳晚飯。餐廳食物以western X Asian為主題。裝修以灰色為主調，簡約時尚，而且還有兩幅打卡牆。吞拿魚腐皮餃$88好特別的配搭，有點西日fusion feel , 日式腐皮壽司嘅腐皮裏面包住藜麥，再放上半熟吞拿魚方塊，造型精緻，不錯的小食。豆腐牛油果配xo醬$78呢個小食繼續玩fusion，呢個係西日再加中式，xo 醬配香滑牛油果仲要加嫩滑豆腐真係第一次試，好有新鮮感，估唔到又幾夾，兩款健康食材加上惹味香辣xo 醬，好味又冇罪惡感。廣島蠔意大利飯 $218廣島蠔大隻又脹卜卜，半熟非常鮮甜juicy。意大利飯口感不錯，軟硬適中。呢個飯鮮味又creamy，我哋兩個人好快吃光光。精選甜品$68今日甜品係crème bulee 。個燉蛋好香滑，蛋味香濃，會唔會好膩，上面嘅焦糖非常香脆。總括而言，我哋對呢呢餐都好滿意，菜式幾特別，而且質素不錯。不得不提個Menu設計得好用心，上面有啲手寫嘅英文至理名言同畫畫，好特別。