銀杏時光

营业中

休息中

今日約左囡囡去太古 shopping，之後行左去基利路搵食，入左一間《銀杏時光》，原來係「銀杏館」新分店。裝修佈置都好吸引，似歐洲風格，仲有一班老人家喺度唱歌表演，氣氛幾有feel，惟獨D位就迫左少少。菜式方面，我地叫左個二人套餐，揀左「法式燒春雞」同「黑松露薄餅」SHARE食。質素唔錯，特別係隻春雞，標榜隻雞係冇賀爾蒙、冇抗生素，有雞味兼健康。頭盤沙律菜同餐湯都係任食任飲，最正既係個價只係$288，埋單加埋一都係$320左右。一人百幾蚊，咁既價錢可以喺西餐歌廳食到飽，一隻字：「抵」!!!食完我仲申請做埋VIP， 原來星期一至四晚餐仲有九折，等於免收加一。整體黎講呢間餐廳算超值，氣氛好，約朋友聚舊肯定唔錯。食材仲標榜健康 ，想食得健康嘅朋友仔可黎試下。