銀杏時光

太古「銀杏時光」，一家充滿情懷的社會企業餐廳，每晚7至9點化身音樂舞台~ 老友們自彈自唱中外經典金曲，旋律動人，勾起回憶。食客們熱情投入，時而齊聲合唱，氣氛熱烈又溫馨，彷彿重返上世紀民歌餐廳的黃金歲月。店內用餐，即可免費任食半自助沙律吧，有養生湯水、滋潤糖水、新鮮沙律，十分抵食！⟢酸甜五柳松子魚 $198整條魚去骨. 酥炸香脆淋上酸甜糖醋汁. 撒落松子粒讓菜式相賣更顯高級味道亦特別醒胃惹味！⟢赤烤太爺羊架 $198/3件羊架烤得焦香油潤~ 肉嫩彈牙帶有羊肉獨特的香氣與風味. 十分美味！菜式以清爽沙律菜伴碟. 減輕油膩口感♡⟢銀杏腐竹杞子浸有機時蔬 $138銀杏館有部分蔬菜採購自「樂活有機農場」未知是否因著社企這份真善美讓這道有機菜心份外翠綠清甜~腐竹豆味香濃. 帶有嚼感加入杞子. 讓時蔬更顯養生與健康(¯ ³¯)♡⟢蘿蔔炆牛筋腩煲 $138蘿蔔與牛筋腩都炆得相當入味牛筋腩入口有種Q彈的嚼勁. 略帶膠質口感對於喜歡軟腍牛腩的yo來說，牛筋腩口感太韌🙈幸好yo可以選擇食清甜軟腍的蘿蔔，很吸汁，亦不錯呀~ ⟢香菇乾燒長壽伊麵 $118伊麵相賣雖普通但味道出色吸收了香菇醬汁. 口感滑嫩香口. 好好味！…查看更多

今晚真係一個好特別嘅晚上， 我預早book左銀杏時光（太古分店）同媽咪囡囡一齊嚟食飯!因為我知呢度每晚最都有長者Live Band音樂演出🎹🎼，真係好特別!而且餐廳主打聘用銀髮族人士，令每位長者都可以繼續工作，面對社會，為生活增加多分色彩。而我哋顧客可以一路享受美食之餘，一路感受住充滿人情味嘅音樂饗宴！ 💕而且餐廳仲有半自助前菜，老火湯、沙律、糖水等等，任食！我哋今晚就叫咗幾款家常小菜🥒手拍青瓜(含蒜)$48🍗豉油皇乳鴿$68🥬清炒有機時菜$88🍗魚露蒜香雞中翼$68🍛五色天貝香炒飯(素)$88🍆天貝餘香茄子煲(素) $88🍧桃膠雪耳糖水$48每款食品都非常好味，鑊氣夠，而且食物仲係低糖，低鹽非常健康，價錢仲非常大眾化，非常值得推薦!而長者Live Band 現場演奏- 每星期都有固定時段（好有週末午後或傍晚）由**長者樂隊**現場表演，曲目涵蓋經典金曲、爵士樂、懷舊粵語歌等，帶動全場溫馨氣氛。 - 長者音樂人不僅展現才華，更透過音樂與食客互動，許多顧客專程來感受這份獨特的「老友記」活力！ - 店內設有無障礙設施，歡迎長者、家庭、年輕人等一同來支持，甚至可即興點歌合唱。 媽咪今晚真係超開心，一路聽歌一路食好嘢，聽歌聽到興起，仲走埋出去跳舞添!💃🕺我同囡囡見到都好開心!🎵 🎸下次一定要再過嚟食過!😃…查看更多

最近上網見到呢間社企餐廳主要係聘請長者就業，而且仲會有長者歌手表演。我屋企人都好鍾意聽歌，所以呢日就約埋屋企人一齊黎食飯，聚會同聽歌。呢度離地鐵站只係一分鐘距離，非常方便。餐廳有自助吧，可無限添加沙律，水果，湯和糖水。今日係五指毛桃淮山粟米湯，很清甜，素湯其實更加清新，飲落喉嚨好舒服。酸甜五柳松子魚我和家人一向都好喜歡吃松子魚，炸得脆口卻不會乾身，魚肉鮮嫩，酸酸地幾開胃。紅燒豆腐煲熱辣辣，職員上菜時有溫馨提示個煲好熱要小心，很細心。紅燒豆腐煲的豆腐外脆內嫩，醬汁濃郁，配搭了冬菇和三色椒，很香口。霸王雞煮得剛剛熟，所以肉質非常嫩滑，而且起左骨很方便進食，4個人食一隻啱啱好。流沙黃金蝦蝦大大隻，沾滿鹹蛋醬很滋味，又香又濃郁，有流沙口感。蝦肉彈牙，易離殼，所以也很容易吃。飯後繼續喺自助吧食返個糖水，雪耳紅棗糖水不會太甜，啱啱好。蜜瓜很清新，又夠甜。每晚7至9點都會有銀髮族職員唱歌，很有水準，唱的都是經典歌，任何年紀都啱聽。社企真係好值得支持，因為大部份都係聘用銀髮族，所以感受到服務更加熱誠，職員都面帶笑容，親切有禮，而且食物水準亦很高。…查看更多

【東區】【銀杏時光】面對人口老化但同時又充滿競爭嘅香港社會，「銀杏館」喺 2003 年開始就開闢咗「長者就業」呢條路，令好多長者或者有需要人士重拾自信同尊嚴。從來都覺得呢啲社企係勁需要大眾支持，所以呢晚我同美女朋友食飯，就揀咗試呢間喺太古站附近嘅嚟試。餐廳係以半自助形式運營，只要每人都叫咗主菜，就可以免費任食半自助吧，有湯、糖水同沙律，環境衛生之餘，味道都唔錯，我都食完再食。而頭先講到佢哋促進長者就業，餐廳亦都專門聘請長者做嘢。放心，唔慢不特止，服務仲超好，而且非常細心呀。餐廳另一個特色，就係有歌曲表演，由長者歌手自彈自唱，晚市七點至九點就有得聽。呢晚係一位叫 Emma 嘅長者表演，佢一個人又彈又唱足兩個鐘，我哋聽足咁耐佢真係冇停過，好犀利。中間加插幫小朋友慶生嘅生日歌，仲有點歌環節，可以話係好豐富。好耐都未試過寫成三段都未寫啲嘢食，實在太多嘢想講。而首先講嘅食物係 $198 嘅「酸甜五柳松子魚」，每枱都見到，我哋都叫。食落酥脆香口，酸甜醬汁又將油膩感減退，唔怪得係必點。之後試 $168 嘅「彩虹咕嚕肉」，都唔錯，香口得嚟熱力十足。不過講到熱，都唔及 $138 嘅「紅燒豆腐煲」，熱辣辣咁上，個醬汁又好惹味，有驚喜。跟住試 $68 嘅「豉油王乳鴿」，就算本身對乳鴿麻麻哋嘅美女朋友，都話佢整得幾好。而我就當然覺得好正。主要係佢呢個整法唔會燒到啲肉好實同縮晒咁，又索到汁。我胃口大開之下，接連試咗兩款甜品。首先係 $88 嘅「法式心太軟」，係做到軟心朱古力效果嘅，而且朱古力味濃，幾邪惡嘅。跟住係 $68 嘅「芝士餅」，唔知點解芝士嘅鹹香會喺呢個餅度發揮得幾出，特別嘅。餐飯加一後 $801，食多啲當支持社企嘛。。。（地址：太古基利路7號太吉樓地下4及5號舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #thatfoodiething #instagood #love #hkigfood #hkfoodlove #hkfoodblog #globaleats #foodieman #1am東區 #太古 #太古城 #銀杏時光 #酸甜五柳松子魚 #彩虹咕嚕肉 #紅燒豆腐煲 #豉油王乳鴿 #法式心太軟 #芝士餅 #1am1761 #1ambackup…查看更多

銀杏館喺香港唔同地方都有社企食肆，今次同朋友們一齊去到位於港島嘅銀杏時光，門口有唔少售賣嘅食品都係餐廳員工親手整嘅行到入面，餐廳佈置好有氛圍，而且每晚七點到九點都會有員工出嚟唱歌busking，一路食飯一路聽歌幾有feel出面嘅自助吧有唔少前菜，比如有機薯仔沙律、車厘茄、有機雜菜、涼拌大豆芽、青瓜，側邊仲有千島醬、油醋可以淋上沙律嚟食。除咗沙律，自助吧仲有員工自家製嘅桃膠雪耳糖水同埋五指毛桃淮山粟米湯。用料十足，味道清甜酸甜五柳松子魚 $198原條松子魚上枱，表面鋪滿松子、三色椒等配料，並淋上濃稠嘅糖醋醬，魚肉炸得酥脆，糖醋醬汁味道偏甜，送飯一流黃椒醬蒸珍珠斑 $188另外叫咗一條蒸珍珠斑，又係原條魚上枱，表面鋪滿黃椒醬，呢款菜式食落就比較似平時酒樓會食到嘅蒸魚，魚肉軟淋，加少少豉油就好鮮甜滋補羊腩煲 $288叫咗一個羊腩煲，羊腩煲份量唔細，足夠二至三人食用，咗有羊腩仲有支竹同冬菇，羊腩主要用上瘦肉，口感結實，冬菇同支竹都煮得入味，確實美味…查看更多

居然在太古发现这么有特色的社企餐厅！服务，出品都很不错，现场音乐也是特色。服务员都是老人家，来光顾的顾客也很多老友记。我和爸爸一起来用餐，点了三个菜，以为刚刚好。没想到份量都太大了，只吃了一半😂。那个梅子鸭半分已经吓到我们了。如果想听现场音乐，一定要提前预定位置。我们来晚了，只能坐包间。听到外面的表演，很有气氛。相当不错的一次用餐体验。…查看更多

如題所講，呢度嘅服務員大部份由長者負責，細心，殷勤，又有溫度，值得比like👍🏻。Menu多選擇，各式各樣，包括西式🥩，家常便飯又有，中式蒸魚🐟又有、素食也有，真係可以話應有盡有，味道屬幾好的。此外佢哋提供任食免費嘅沙律🥗bar，雖然選擇唔算好多，但基本嘅沙律菜、薯仔沙律、青瓜、蕃茄都有。仲有免費飲品，包括中式湯（今日係赤小豆）、regular 咖啡、橙汁、羅漢果汁等。如果有長者咭，仲可以有88折👍🏻…查看更多

今日友人揀選了這間餐廳小聚，本身好耐無去，依稀記得啲菜式好豐富而骨子，今次事隔多年，開左好多分店，慶幸這間理念清晰的小館可以開枝散葉。8點入到黎，已聽到樂隊的聲響傳出門外，觀眾已經和樂手融為一體，手起腳動，舞動一起。這種懷舊情調的餐廳真是少見，而且全場滿坐！ 原來他們的樂隊每天不同，質素尚好，感情澎湃，都是名歌金曲！🎤🎼🦹🏻由於兩人的關係，只能點兩味小菜，再加上自助式沙律吧，已經可以餵飽兩個男人。我地點左晚餐孖寶：🐟 甜酸五柳松子魚🐚黃椒醬粉絲蒸扇貝🫒自助吧有橄欖任添，湯水和甜品都有松子魚炸得香脆，醬料有橋頭和一些酸菜，加上本身的醬汁，酸味十足，但略嫌酸味過份，未有應有的甜味，可以加強平衡感。而扇貝則十分新鮮，跟出面海鮮餐廳的不相上下。整體來說，他們的菜式非常多，亦有出面食唔到的梅菜扣肉刈包，留待下一次試食。感覺友人推薦，才知道這一間太古分店竟有現場音樂。非常適合一家聚會🎈💐…查看更多

啲老人家侍應真係十分親切。可能因為同行嘅長輩一齊睇起嚟手機用得唔純熟，所以侍應有主動話「想食咩叫我都得喎」。落單嘅時候都有耐心，會介紹下有咩好食。中午係包埋任食嘅有機本地沙律菜，仲有蕃茄仔同薯仔，仲有中湯，嘢飲方面有咖啡、羅漢果水、花茶同蘋果汁。沙律菜可能係因為常溫，所以唔會好似一般餐廳咁爽口，同埋少少偏苦。我就叫咗柱侯牛腩煎米粉，成個米粉整到好薄，有啲似薄批pizza, 中間放滿牛腩，因為有柱侯醬，所以會有外圍好乾脆，中間濕同先有味。煎米粉嘅精髓對我嚟講係「外脆內軟」，所以期望上有啲落差，但牛腩係好食嘅。整體感覺幾好，同埋真係好好坐，飲羅漢水都值番哂。…查看更多

到太古探訪朋友，順道到訪bookmark過的這家社企餐廳～ 就在地鐵站旁銀杏館為長者提供就業機會，從樓面到廚房，以及表演者，都是多才多藝的老友記一手包辦😝 環境好寬敞，座椅舒適，職員禮貌，高分用餐體驗現場表演更是出色😎 各位食客都好enjoy，氣氛很好 人均$200左右，包括了任食自助吧，環境又舒服，而且餐廳意念溫馨，很值得支持! ✿ 自助吧 (免費)最吸引我們的部分😋沙律控好滿意• 薯仔沙律、鷹嘴豆、車厘茄、沙律菜、西瓜全部新鮮好吃，尤其西瓜，多汁甜蜜• 綠豆糖水有驚喜，綠豆煲得完全綿爛😍必試• 木瓜花生眉豆雪耳粟米湯湯料很多，湯頭清甜 ✿ 鮑魚花膠響螺淮山杞子燉老雞 $98足料😍原隻鮑魚、大片響螺，感覺好滋補 ✿ 豉汁蒸倉魚 $128✿ 霸王雞 $178✿ 赤烤太爺羊架 $198主菜選擇很多，都是水準發揮另外同場很多食客都有點松子魚，賣相很不錯，下次再試😋 ✿ 芝士餅 $68雖然以中菜為主，但也有西式甜品尺寸慷慨，自家製的暖心味道～ ✿ 白飯 $15 現場還有售賣好多手作食品，例如千層糕、茶粿、蝦米酥、曲奇等等，不用膳也可以幫襯支持😆…查看更多

「銀杏時光」是一間支持長者就業的社企餐廳店員以長者為主，每晚7-9點有長者歌手自彈自唱一邊和親朋聚會晚餐，一邊欣賞歌唱表演提供免費任食半自助沙律吧：有機菜沙律、湯和糖水是一間充滿人情味餐廳，大家要多多支持長者們(◍•ᴗ•◍)✾ 霸王雞（半隻） $178雞肉去骨，啖啖肉；皮爽肉嫩表面鋪滿薑蔥且淋上甜豉油很惹味✾ 流沙黃金蝦 $168每隻蝦大大隻，全部沾滿金黃色鹹蛋黃肉質爽口彈牙，即使沾滿鹹蛋黃但不會鹹✾ 天貝麻婆有機豆腐（素） $88不知道大家有沒有食過天貝？天貝是一種優質植物蛋白，爽口富黃豆香以天貝代替肉沫搭配滑嫩有機豆腐入口麻香微辣，很好下飯愈食愈上癮✾ 有機薑汁炒有機芥蘭 $98有機菜均來自上水樂活有機農莊食得安心健康，芥蘭翠綠爽脆帶淡淡薑味…查看更多

🥳提早慶祝父親節👨梗係要搵間有特色嘅餐廳比兩老高興下啦❤️今次我帶左佢哋去一間銀髮有心嘅社企餐廳🍴員工都係精英嘅老友記💯好有人情味呢🥳❤️餐廳係半自助餐形式👍有多款蔬菜嘅沙律🥬中式湯水仲有我最愛嘅紅豆沙添🫘🎸🎹最特別係呢度每晚都有駐塲歌手🧑‍🎤每晚輪住唱經典嘅中英金曲🎼見到大家都邊食邊聽歌🎤氣氛唔錯呀👍📌亮點係餐廳係「無限時⏳」🎼食飽飽仲可以坐下聽下歌🎹見兩老聽到音樂就想跳舞好開心呀💃🏻今次真係揀啱餐廳呀🥳🐠酸甜五柳松子魚：賣相靚靚😍打卡一流📸仲好好意頭添酸甜味道適中👅松子魚炸到金黃又酥脆🔥好惹味呀🥳🐤銀杏滑雞飯：去咗骨嘅滑雞飯真係無得頂呀💯鷄肉夠滑又有鷄味🐔仲跟埋一碗飯🍚好完美呢🥳🐟煎封黃花魚：爸爸最鍾意食煎魚👨佢一見到已經即刻話要食喇👍好少餐廳會有煎封黃花魚😍條煎魚煎得好靚❤️外皮好脆、魚肉新鮮✅值得一試💯🥬銀杏腐竹杞子浸有機菜：好大份蔬菜🥬上面鋪滿大愛嘅腐竹✅仲有銀杏同杞子😍好養生嘅食材👍好啱老友記呀🥳🥤可樂：天氣實在太熱🥵要飲番杯加冰嘅大可樂🧊索一啖即刻爽曬呀🥳🍒龍眼果茶：好大杯❤️仲可以少選擇甜度💯我哋揀左少甜👍好細心呢🥰…查看更多

話說好耐無去過太古果邊了，咁岩商場最近有NBA既展覽，大家都知商場既餐廳消息多數都比較貴。所以我地行完街就去左附近搵下有咩特別野可以試下啦。於是乎就去埋香港三大社交平台打卡景點之一既怪獸大廈(鰂魚涌海山樓)行下，不過始終有點人物依舊，面目全非既感覺，影唔出之既情懷。原本諗住去入去間7-11增值八達通，點知見7-11同公園中間有條路仔就行入去望下。咁岩就比我地左捐右捐見到一間好特別既餐廳 - 銀杏時光。後尾上網睇先知原來係一間社企餐廳黎既。晚餐會有沙律吧，雖然選擇唔算好多，但食得出蔬菜都非常新鮮。而無味精既住家湯水同糖水大家可以隨心享用。主食方面我地就叫左一人份既豉汁蒸倉魚，生炸乳鴿同埋吹水醬乾鍋鹿茸菌雞柳。豉汁蒸倉魚調味好好，岩曬無飯家庭，又或者唔識煮魚或蒸魚既我地。因為老實講自己真係唔識處理生魚，而久唔久都會好想食蒸魚，美中不足係倉魚上檯時再熱D就更加好了。推介大家食呢到既吹水醬乾鍋鹿茸菌雞柳，真係好惹味，又夠份量，伴白飯食就一流啦。可惜我夜晚戒食飯，或者下次有機會再到附近的話中午會黎食下午餐。生炸乳鴿就同出面既餐廳水準差不多，餐廳唔同既崗位都有長者擔任，服務比出面既餐廳更有禮貌都多左一份溫暖既感覺。好耐無試過寫食評，但因為而家好多時北上，始終難免會比較兩地既餐廳。今次覺得呢間餐廳無論裝修、環保，以致食物質素、服務態度，餐廳理念都好值得香港人去試下。最最最重要係可以一邊食飯一邊廳住歌，感覺好特別！而且仲可以點唱，真係一個好特別，有驚喜既晚餐。…查看更多

位於大古的「銀杏時光」是一間社企餐廳，地點方便距離太古地鐵站只需要行2分鐘，店舖九成員工都是超過65歲以上的長者，真係好值得支持，每晚仲有歌唱演出，可以一邊食晚飯一邊欣賞，而家坊間都好少有，而且氣氛仲超好👍👍這裏晚市中菜選擇相當豐富，而且仲好水準，仲有自助沙律吧吧，沙律水果可以任食，最正就係自家煲嘅靚湯同糖水，好似今日我就飲到養生靚湯「五指毛桃淮山粟米湯」，對於冇住家湯飲嘅我實在好喜歡，連飲咗幾碗，另外糖水都超正「雪耳銀杏煲紅棗」滋潤得來又唔太甜🤗🤗▪️霸王雞（一隻）$ 278全隻雞已經去哂骨，入口啖啖肉，雞皮爽口肉質細滑，配上霸王雞獨門醬汁，微微甜充滿醬油香，加上沙薑蔥粒，夠晒香口滋味，非常推薦▪️東坡肉伴有機菜（六件）$ 168東坡肉肥瘦相隔，不油不膩而且相當之入味，口感幾乎入口即化，醬汁濃郁伴飯一流，仲有味道爽口清新的西蘭花仲要係有機菜，食得健康▪️流沙黃金蝦 $ 168真係超抵食，總共有八大隻超級巨型，每隻都被鹹蛋黃醬包圍着，鹹香惹味，蝦肉亦爽口彈牙，必點海鮮▪️有機薑汁炒有機芥蘭 $ 98芥蘭翠綠，口感爽口幼嫩，配合薑汁炒香，新鮮好味…查看更多

一直都知道銀杏館呢一間社企，主要聘請長者工作，種植蔬菜至樓面侍應都由一班銀發族主理！👵🏼👴🏻以我所知，銀杏館一直收取低廉收費去營運餐廳，錢從何來？原來一直用啲收費相對貴D嘅分店，賺錢來津貼營運！「銀杏時光」除咗做足早、午、下午茶，晚市直頭將餐廳變身「民歌餐廳」由銀髮明星表演中英語歌曲！🎤晚市除咗可以單點中菜，位位都可以享用半自助沙律吧🥬除咗沙律，仲可以任飲「雞骨草蘿漢果湯」、「紅豆沙」。好耐冇食過「甜酸五柳松子魚」，用粉漿包住松子魚炸到金黃香脆！唔少得就係洋蔥加上甜酸打芡，再用金黃松子點綴！「川香辣雞煲」特登叫咗小辣，好欣賞佢炒到好乾身！食物方面就中規中矩，呢度嘅主要賣點，就係天天7:00-9:00Pm，每天都有駐場歌手演出！臨走仲買咗「銀杏士多」出產嘅點心，價錢唔貴，每款都係$18-$38 咁上下，價錢豐儉由人👍其實食乜都唔係太重要，嚟到呢度最緊要就係可以支持到一班銀發族就業，無論銀杏烘焙館、銀杏士多、甚至社企農場，真正幫到手，就係黎食多兩餐飯，循環生態圈，讓更多銀髮族搵到人生下半場嘅新意義！🔄✦ 甜酸五柳松子魚 $198✦ 川香辣雞煲 $158✦ 白飯 $15…查看更多