黑木亭居酒屋 (金馬倫道)

最近見到尖沙咀呢間日式居酒屋既討論度都幾高！尤其係佢充滿澎湃感既龍蝦木桶飯真係必點之一！除左食物豐富外,餐廳內既裝修都同樣充滿日系風格,相當有氣氛.龍蝦八鮮木桶丼配鯛魚湯充滿氣勢既原隻龍蝦木桶丼！送上黎果刻都幾驚喜！原隻龍蝦拆肉後再配上角切魚生,三文魚籽及海膽等超豪華既組合令丼飯鮮味提昇.底下珍珠米再配上日式飯素帶點鹹香而且令整份木桶丼飯更惹味.龍蝦肉鮮甜肉質充滿彈性,夠晒滿足.炸櫻花蝦豆腐豆腐外沾上大量櫻花蝦後再炸香,外曾充滿濃厚櫻花蝦既甜鮮蝦香,內裏豆腐嫩滑得黎充滿大豆香,沾上少少特調鰹鳥汁令味道更香.蟹甲羅燒蟹羔配上蟹籽,青蔥,蟹肉及生鵪鶉蛋燒香後整個味道極鮮甜.將拌好既甲羅燒配搭膽卜卜既脆米餅除左減輕鹹膩感外亦口感更香口.蜜桃烏龍熊茶以原有蜜桃烏龍熊茶製成冰後再加入飲品內,除左保持飲冰涼感外亦唔會減淡原有既味道.北海道士多啤梨牛乳乳酸酸酸甜甜既乳酸加上鮮甜既士多啤梨味道充滿莓香而且唔會過甜,清新解膩.