影片
更多
2016-03-22
2025 浏览
今日去沙田花園城探bb, 夜晚就落左朋友樓下搵野食醫肚。見到呢間西餐廳個門面都幾試正，就揀呢間啦！店內環境唔算大，不過每枱之間既空位都好充足，感覺唔逼夾。Menu既食物比我想像中多款式，有頭盤，小食，pasta類，扒類，海鮮類，仲有pizza等，花多眼亂，哈。因為唔係太喜好食肉既關係，有好多招牌菜例如西班牙燒乳豬，安格斯牛扒等等，我都無試到。我同朋友點左個煙燻北海道帶子伴尼斯沙律，香辣蒜片大蝦意粉試試。嘩！！一見到個沙律粒帶子真係嘩一聲！北海道帶子既利害粒粒都手板咁大粒，煙燻既面層香味撲鼻，切開裡面仲係軟綿綿既肉質，咬落口彈牙有鮮味。另外沙律加左溫泉蛋，沙律菜伴上流心蛋汁，超襯，讚~*一行入餐廳，我聞到一陣好香好香既蒜頭味。原來就係呢個香辣蒜片大蝦意粉既味道！侍應話呢個係招牌菜色之一，果然值得一試~~意粉入面有好多煎到金黃色既蒜片(我食哂！哈哈), 難怪蒜香味咁濃郁。我相信佢既大蝦係用鮮蝦，不但冇雪藏味之餘仲好彈牙爽口。成個意粉同配料番茄豆角配合得好好，而且份量足夠兩個人食，絕對抵食！話飽話飽，但女孩子食甜品真係有第二個胃。我地叫左個開心果疏乎厘同一杯cocktail. **開心果疏乎
店內環境唔算大，不過每枱之間既空位都好充足，感覺唔逼夾。Menu既食物比我想像中多款式，有頭盤，小食，pasta類，扒類，海鮮類，仲有pizza等，花多眼亂，哈。
因為唔係太喜好食肉既關係，有好多招牌菜例如西班牙燒乳豬，安格斯牛扒等等，我都無試到。我同朋友點左個煙燻北海道帶子伴尼斯沙律，香辣蒜片大蝦意粉試試。
嘩！！一見到個沙律粒帶子真係嘩一聲！北海道帶子既利害粒粒都手板咁大粒，煙燻既面層香味撲鼻，切開裡面仲係軟綿綿既肉質，咬落口彈牙有鮮味。另外沙律加左溫泉蛋，沙律菜伴上流心蛋汁，超襯，讚~*
一行入餐廳，我聞到一陣好香好香既蒜頭味。原來就係呢個香辣蒜片大蝦意粉既味道！侍應話呢個係招牌菜色之一，果然值得一試~~意粉入面有好多煎到金黃色既蒜片(我食哂！哈哈), 難怪蒜香味咁濃郁。我相信佢既大蝦係用鮮蝦，不但冇雪藏味之餘仲好彈牙爽口。成個意粉同配料番茄豆角配合得好好，而且份量足夠兩個人食，絕對抵食！話飽話飽，但女孩子食甜品真係有第二個胃。我地叫左個開心果疏乎厘同一杯cocktail.
**開心果疏乎厘**冇錯，係開心果！我都覺得好特別，所以點黎試下。之前有食過原味或者橙味既疏乎厘，但開心果就係第一次。熱辣辣既疏乎厘傳黎一陣開心果既香味 ...用匙羹"筆"開左一啖，淺綠色既疏乎厘第一次見，放入口暖笠笠好軟滑，好似入口即溶既泡沫。開心果味既疏乎厘口感同味道都幾得意 幾新鮮，唔錯☺
試埋杯long island先~~呢杯cocktail既酒精味較重，我諗酒量唔太好既朋友都係叫第二款比較適合。不過我是可以的，加埋片檸檬落酒入面，酸酸地配濃烈既威士忌，正為我呢餐有質素又抵食既晚餐劃上完美句號。返屋企途上，經過城門河畔，涼風輕吹，微醺。食飽飽感覺真好，快樂就係咁簡單！
张贴
