影片
更多
2017-02-12
294 浏览
同老公唸住拍下拖，試下新嘢。網上搵到Joomak，見評價唔錯，所以試下。去到睇Menu，見到除咗火鍋之外冇咩食，都感覺到又少少伏味。但唸住一心試新嘢，比個機會佢啦。本來冇打算食火鍋，所以叫咗其他嘢。第一樣黎嘅係- 泡菜牛肉卷：冇味嘅！難食過超市買嘅太卷！但勁肚餓，所以食咗。第二樣黎嘅係 - 芝士粟米：勁怪！D所為嘅芝士粉係好似加响「旺旺」上面D味精咁嘅味。最後我地要用把刀刮咗D粉先食到。好好地一條粟米比佢搞成咁鬼難食，都真係幾高難度。再黎咗兩杯飲品 - 青檸梳打 and 梨汁：冇得錯，但感覺勁細杯，可能因為D嘢太難食第三樣黎嘅係 - 牛肉雜菜拌飯（所謂嘅bibimbap 但唔係用石頭鍋上）：除咗嗰幾塊牛肉係微暖之外，乜都係凍嘅！飯凍嘅！菜凍嘅！連隻煎蛋都係凍嘅（應該係事先煎好幾隻，客人嗌先舖响飯面）成碗飯係冇味嘅。有碟韓式辣醬跟飯，但都係冇味嘅！一碗最基本（差唔多所有韓式餐廳都會有）嘅Bibimbap 比佢搞成咁都真係代表作喇！最後一樣黎嘅係 - 熔岩芝士飽唔好食嘅！樣樣嘢都勁油。又冇味。我都唔知點解，間餐廳唔知係咪冇入鹽定咩，乜都冇味嘅。唸住點D芝士醬會可能好D啦，唔係講笑，D芝士醬
去到睇Menu，見到除咗火鍋之外冇咩食，都感覺到又少少伏味。但唸住一心試新嘢，比個機會佢啦。
本來冇打算食火鍋，所以叫咗其他嘢。
第一樣黎嘅係- 泡菜牛肉卷：
冇味嘅！難食過超市買嘅太卷！但勁肚餓，所以食咗。
第二樣黎嘅係 - 芝士粟米：
勁怪！D所為嘅芝士粉係好似加响「旺旺」上面D味精咁嘅味。最後我地要用把刀刮咗D粉先食到。好好地一條粟米比佢搞成咁鬼難食，都真係幾高難度。
再黎咗兩杯飲品 - 青檸梳打 and 梨汁：
冇得錯，但感覺勁細杯，可能因為D嘢太難食
第三樣黎嘅係 - 牛肉雜菜拌飯（所謂嘅bibimbap 但唔係用石頭鍋上）：
除咗嗰幾塊牛肉係微暖之外，乜都係凍嘅！飯凍嘅！菜凍嘅！連隻煎蛋都係凍嘅（應該係事先煎好幾隻，客人嗌先舖响飯面）成碗飯係冇味嘅。有碟韓式辣醬跟飯，但都係冇味嘅！一碗最基本（差唔多所有韓式餐廳都會有）嘅Bibimbap 比佢搞成咁都真係代表作喇！
最後一樣黎嘅係 - 熔岩芝士飽
唔好食嘅！樣樣嘢都勁油。又冇味。我都唔知點解，間餐廳唔知係咪冇入鹽定咩，乜都冇味嘅。唸住點D芝士醬會可能好D啦，唔係講笑，D芝士醬係冇味嘅！D嘢炸到得個油字，一D都唔好食！條年糕韌過條膠水喉，唔知佢想點。有三至四舊細細嘅雞，我同我老公每人食咗一舊都唔食喇，又唔好食，又油。怕太熱氣，太滯! 跟碟嘅有D泡菜，暖嘅。應凍嘅唔凍，應熱嘅唔熱！好差！
總結：對熟食冇誠意嘅一間餐廳。公平講句，我冇試過佢地嘅火鍋，但火鍋要好食其實又關鬼廚藝事咩！好食嘅火鍋點香港多的是啦！佢價錢又唔係平！（以上四樣嘢加兩杯飲品盛惠600幾700蚊 - 唔好味又食唔飽）我都好耐未食過一間冇一樣好食嘅餐廳喇。 呢間餐廳比人感覺就似以桌頭搵食嘅。奉勸一句，麻煩老闆搞返掂D食物水準啦，如果唔係就唔好霸住商場個位喇！嗰度求其開間大快活仲造福人群啦！
张贴