東江好棧 (已結業)

今日約咗師傅修理廁所水箱，襯時間未到，去附近商場嘆個快速下午茶。見好久沒有去東江好棧，就嚟呢度睇吓有無新嘅點心款式，估唔到無嚟半年，啲點心同以前差不多沒有變化，莫非真係以不變應萬變？呢度星期一至五，早上11:00 - 下午4:00, 優點 $7.8, 生滾粥 $16, 茶錢每位竟然係 $3, 算係超值。 點心方面，比較出色嘅有酥脆韮菜餅，煎得脆口又夠熱；玉鮑滑雞粥，呢個雖然淡咗啲，但勝在料多，啲粥夠綿。其餘點心包括涼瓜肉鬆腸，砵仔蘿蔔糕，牛肉鮮竹卷及冰花炸蛋球就一般喇，睇嚟下次都要再過半年先會再嚟，希望到時有啲新意啦。埋單 $68, 咁平實在無話可說。