金田家 (已結業)

又來到金田家食拉麵！雖然下個月就去九州，但食拉麵嘅癮不能等呢。已經唔係第一次食，但感覺比起上一次更加好食，叫返上次食過嘅辛子黑蒜拉麵，豬骨湯底依然keep住好濃厚好creamy，而且黑蒜味真係好出，甜得來又唔會好辛辣，食完個口個陣蒜頭餘韻真係會停留好耐，證明真材實料。上次食唔到嘅柚子辛口拉麵，呢款口味確實出人意表，雖然湯底本身好濃，但係柚子嘅清幽同樣好突出，而且食落最特別嘅係柚子味反而輕輕去油膩，唔會食兩啖就濟了，一個唔覺意兩三啖就食晒成碗麵！追加嘅兩款豚肉都好重油香，本身碗面已經有四款，個人覺得下次追加一款都已經夠食。上次來的時候炸爐壞咗，今次終於食到炸物。紫薯薯餅睇住職員即場炸，來到新鮮熱辣辣，裡頭有原粒栗子，可樂餅真係好簡單就可以好好食！