影片
更多
2006-07-02
31 浏览
剛剛係星期六同埋一家十七口，浩浩蕩蕩咁去左試吓咁啦．因為啲Comment實在太好喇．一入到去已經知道呢度可能唔係我地呢個Class嘅人嚟食嘅，原因係左右隔離個樣都係非富則貴，個個客人都有住一副富貴樣，更有公司帶四五個外國商人嚟食飯添．講翻我坐o個檯，大大話話十七人迫o係一張十人檯，個感覺真係唔係幾好，不過冇計，已經係佢地最大嘅檯，除非分檯坐．唉，唯有坐得親密一啲啦．當我地打開個菜牌嘅時候，我就更加肯定我呢個想法，我粗略睇過菜牌一遍，最平嘅餸係干抄牛河，你估係要幾多錢?（前前當然唔計啦）一碟干少牛河竟然係要７０．．．再估吓一碟蝦仁抄蛋要幾多錢?你唔會估到一碟蝦仁抄蛋係要９０蚊．．．最後嘅一條問題係．．．你估吓一隻最出名嘅燒乳鴿要幾多錢？（比個Tips你,一隻龍華燒乳鴿係要六十幾蚊)原來係要成八十蚊一隻...有冇貴左少少啊.其他嘅餸都〔一般〕要９０蚊，記住係一般唔係平均．．．o係點完十道菜嘅時候個仕仔仲好串咁問洗唔洗加大喎...本來問要唔要加大係無問題,不過佢用嘅態度比我覺得佢而家係唔妥你呢班死Cheap精... 原因好簡單, 原來o個個仕仔係以前o係雍雅山房度做架, 唔怪得啦, o個度啲
一入到去已經知道呢度可能唔係我地呢個Class嘅人嚟食嘅，原因係左右隔離個樣都係非富則貴，個個客人都有住一副富貴樣，更有公司帶四五個外國商人嚟食飯添．
講翻我坐o個檯，大大話話十七人迫o係一張十人檯，個感覺真係唔係幾好，不過冇計，已經係佢地最大嘅檯，除非分檯坐．唉，唯有坐得親密一啲啦．
當我地打開個菜牌嘅時候，我就更加肯定我呢個想法，我粗略睇過菜牌一遍，最平嘅餸係干抄牛河，你估係要幾多錢?（前前當然唔計啦）
一碟干少牛河竟然係要７０．．．
再估吓一碟蝦仁抄蛋要幾多錢?
你唔會估到一碟蝦仁抄蛋係要９０蚊．．．
最後嘅一條問題係．．．你估吓一隻最出名嘅燒乳鴿要幾多錢？（比個Tips你,一隻龍華燒乳鴿係要六十幾蚊)
原來係要成八十蚊一隻...有冇貴左少少啊.
其他嘅餸都〔一般〕要９０蚊，記住係一般唔係平均．．．
o係點完十道菜嘅時候個仕仔仲好串咁問洗唔洗加大喎...本來問要唔要加大係無問題,不過佢用嘅態度比我覺得佢而家係唔妥你呢班死Cheap精... 原因好簡單, 原來o個個仕仔係以前o係雍雅山房度做架, 唔怪得啦, o個度啲仕仔不嬲都係白鴿眼架啦. 記得有一次, 我o係雍雅山房飲嘢, 但係好衰唔衰留低左條車匙. 咁我梗係拿拿聲Call翻佢地問佢地有冇執到, 個仕仔原先唔多想答我咁, 後來我係咁煩住佢, 佢就好似好唔想咁話比我聽佢有執到, 而當然我就梗係馬上翻翻去攞啦, 點知翻到去見到佢地連門都拉埋...有冇咁Sharp啊?Close九點, 九點就拉埋門? 真係咁準時? (我其實唔係好記得係唔係九點, 不過就好肯定係同一時間, 即係佢幾點Close, 幾點就拉埋門, 不過我已經話左比同先個仕仔聽我而家嚟梗, 仲要好快到添...)
件事仲未完, 咁我咪撳鐘叫佢地出嚟, 等左大概兩分鐘, 有個嬏毛出嚟, 我就問佢係唔係執到我條車匙喇, 點知你估唔估到佢擗頭第一句講咩? 就係"五十蚊"??? 咩話? 我本來想報警.... 不過見佢都咁老咪....... 心裏面唸住一個字, 但係又講唔出口, 仲要係對住老人家就更加做唔到... 唯有好唔開心咁比左五十蚊佢然後攞翻條車匙走囉, 我知我咁做係唔啱到極, 不過唔知點解就係唔可以對啲老人家做啲咩...
好似離左題添. 講返呢間野, 我地叫左大概十個餸, 啱啱飽飽. 可能係因為正如我地所講, 好多都係小朋友(5個) 又好多女仕(5個). 不過佢地啲份量都唔係話大, 一般咁啦.
講返啲嘢食, 我就覺得普通左啲, 真係唔係話好食到值得咁貴囉, 我個人覺得龍華啲乳鴿仲好食過佢囉. 埋單都成二千蚊, 好似就唔係好貴, 不過我地其他係就住嚟叫先咁平囉.
如果你問我會唔會再幫襯呢一間咁樣嘅嘢, 我會唸都唔洗唸咁話你聽, 就算我中左六合彩頭獎, 我都唔會嚟... 你自己唸吓喇.
张贴