影片
更多
2009-08-02
51 浏览
话说少奶同友人寻日去完半月湾之后全部变成饿狼，想话揾啲任食嘅嘢做晚餐，于是拣咗呢间应该系同区最平嘅自助火锅谂住平平地擦返餐。拣百好嘅令一个原因系因为每一次去都唔驶等位，对于饿狼嚟讲呢一点非常重要，因为已经饿到癫，如果去啲多人嘅地方（例如上篇讲嘅Saizeriya．．．）应该饿死都未有得食。但势估唔到竟然连呢间嘢都要等位，八条饿狼唯有认命。等咗廿分钟左右啦，终于入得。老实讲今次系我嚟呢头咁多次第一次见到呢度坐满，暑假加星期五晚嘅威力真系大。一坐低就梗系即刻拎嘢饮，饿狼们即时拎到成台都系饮品，再极速填order纸，点知结果系等咗成十几分钟个汤都未到，之后有个类似部长嘅埋嚟问少奶落咗汤底未，话可能漏单，激死。最刺激系呢个时候竟然听到隔离台有个男人投诉话成个钟都未有嘢食，少奶即时心谂：呢镬领嘢！尤幸嘅系，汤底嚟咗冇耐啲嘢食都跟住到。之前睇过食评话呢度啲嘢食堆埋一堆感觉好差，少奶反而觉得咁样重好，悭返好多位嘛。食物亦都唔算太差，最起码少奶同友人都觉得个猪润比想像中好好多（用猪润做标准系因为太多地方啲猪润都好难食．．．）。总括嚟讲啲食物都还可以啦，88蚊真系算抵。学友人话斋，自助火锅啲嘢食度度都差
等咗廿分钟左右啦，终于入得。老实讲今次系我嚟呢头咁多次第一次见到呢度坐满，暑假加星期五晚嘅威力真系大。一坐低就梗系即刻拎嘢饮，饿狼们即时拎到成台都系饮品，再极速填order纸，点知结果系等咗成十几分钟个汤都未到，之后有个类似部长嘅埋嚟问少奶落咗汤底未，话可能漏单，激死。最刺激系呢个时候竟然听到隔离台有个男人投诉话成个钟都未有嘢食，少奶即时心谂：呢镬领嘢！
尤幸嘅系，汤底嚟咗冇耐啲嘢食都跟住到。之前睇过食评话呢度啲嘢食堆埋一堆感觉好差，少奶反而觉得咁样重好，悭返好多位嘛。食物亦都唔算太差，最起码少奶同友人都觉得个猪润比想像中好好多（用猪润做标准系因为太多地方啲猪润都好难食．．．）。总括嚟讲啲食物都还可以啦，88蚊真系算抵。学友人话斋，自助火锅啲嘢食度度都差唔多，最紧要系同边个食。
不过少奶想讲嘅系琴晚漏单情况超严重，本来佢话冇入到个汤底，我哋重以为连第一round嘅order都会冇哂，点知佢最后又照嚟，但有好多都唔见咗啰。于是由于惊啲嘢唔嚟嘅关系我哋有好多都重覆入咗好多次，最后就系某几款食物嚟咗劲多，另外有几款就成晚都冇得食。同友人比算细食嘅少奶食到一半已经投降，饱哂重望住成盘肉心情即刻大跌，最后重因为去完沙滩太攰而瞓著咗＝ｗ＝
漏单情况都重可以用太多人服务唔切嚟解释，少奶都明星期五晚好多地方都系咁，之但系呢间嘢有时啲服务都真系几衰。试过有几次夜少少，全场剩返几台客啦，佢哋真系会熄哂灯熄哂冷气剩返你头顶𠮶盏好似spotlight咁，热到你走为止，同时重要听住入面成堆staff打麻雀等收工冇人得闲serve你，可幸寻晚少奶算好早去所以冇遇到咁嘅情况，不过见佢突然多咁多客，希望系因为服务有改善啦。
2009-08-02 为食龙少奶
张贴
