影片
更多
2017-06-16
744 浏览
嗌咗一個 sukiyaki set，個餐包含前菜，沙律，壽喜燒牛肉同埋野菜，最後仲有個飯同埋甜品。前菜係茄子同埋胡麻汁海蜇青瓜，茄子本身被輕微醃漬過，喺茄子上面有少少淺啡色嘅啫喱狀物體，帶有有少少昆布木魚味，好得意，同個茄仔好夾，而個海蜇青瓜口感複雜，有海蜇嘅爽同埋青瓜嘅脆同時夾雜喺口腔入面，另外個胡麻汁同出面食到嘅好唔同，個麻味強烈好多，口感亦都較為杰身，唔知會唔會係餐廳自製嘅呢？雞肝茶碗蒸，茶碗蒸就食得多喇，有埋雞肝喺入面嘅真係未試過，面頭嘅呢隻幼葱，比起平時嗰啲香蔥更加香，以為雞肝同鵝肝嘅食法應該差唔多，點知佢哋係兩個截然不同嘅感覺嚟嘅，雞肝無鵝肝咁肥膩，但係有一陣獨有嘅甘香，纏繞住喺口腔入面，久久不散，再配合埋蒸得滑溜嘅蛋，好好味架。跟住就嚟到今晚嘅重頭壽喜燒喇，廚師先用牛嘅脂肪嚟到起鑊，跟手就放咗啲大葱落去，霎時間油脂同埋大蔥嘅香味就充斥著成個舖頭，真係令人更加期待，壽喜燒嘅牛肉用左近江牛，近江牛同神户牛等被稱為日本三大牛肉之一，質素當然有保證，牛肉入口即溶，跟住油脂就會喺你口入面傾刻爆發，然後就係持續好耐好耐嘅牛味，花得起不值得興奮，比別人懂得花才是真正學問，相信呢句說話就
嗌咗一個 sukiyaki set，個餐包含前菜，沙律，壽喜燒牛肉同埋野菜，最後仲有個飯同埋甜品。
前菜係茄子同埋胡麻汁海蜇青瓜，茄子本身被輕微醃漬過，喺茄子上面有少少淺啡色嘅啫喱狀物體，帶有有少少昆布木魚味，好得意，同個茄仔好夾，而個海蜇青瓜口感複雜，有海蜇嘅爽同埋青瓜嘅脆同時夾雜喺口腔入面，另外個胡麻汁同出面食到嘅好唔同，個麻味強烈好多，口感亦都較為杰身，唔知會唔會係餐廳自製嘅呢？
雞肝茶碗蒸，茶碗蒸就食得多喇，有埋雞肝喺入面嘅真係未試過，面頭嘅呢隻幼葱，比起平時嗰啲香蔥更加香，以為雞肝同鵝肝嘅食法應該差唔多，點知佢哋係兩個截然不同嘅感覺嚟嘅，雞肝無鵝肝咁肥膩，但係有一陣獨有嘅甘香，纏繞住喺口腔入面，久久不散，再配合埋蒸得滑溜嘅蛋，好好味架。
跟住就嚟到今晚嘅重頭壽喜燒喇，廚師先用牛嘅脂肪嚟到起鑊，跟手就放咗啲大葱落去，霎時間油脂同埋大蔥嘅香味就充斥著成個舖頭，真係令人更加期待，壽喜燒嘅牛肉用左近江牛，近江牛同神户牛等被稱為日本三大牛肉之一，質素當然有保證，牛肉入口即溶，跟住油脂就會喺你口入面傾刻爆發，然後就係持續好耐好耐嘅牛味，花得起不值得興奮，比別人懂得花才是真正學問，相信呢句說話就係形容緊我依家嘅感覺。
喺牛肉同牛肉之間，廚師仲會整大量嘅野菜嚟俾你同啲牛肉一齊食，當中尤其以豆腐，冬菇同埋洋蔥最為惹味，皆因佢哋都索咗牛肉同牛肉喺烹調之間剩餘嘅肉汁，呢個冬菇嘅菇味特別香，同牛肉形成絕配。
完成所有壽喜燒之後係麵豉湯，沙律同埋飯，先用個沙律清一清個口腔，再迎接麵豉湯同埋個飯對味蕾嘅衝擊，喺個飯上面嘅係近江牛肉粒炒蛋，面頭再配上幼蔥粒，簡簡單單，卻又令人食得過癮。
甜品係紅豆糕同埋漬梨奶凍，紅豆糕口感煙靭，豆味會喺口腔緩緩滲出，而只帶少甜，呢個甜度配合得最好不過，而個奶凍就不得了喇，個奶味香濃到..如果 3.6 係用嚟形容牛乳嘅濃度嘅話，我會俾呢個奶凍嘅牛奶味係 3.9，香濃嘅牛奶味，加上面頭漬梨嘅微酸，整個味道好和諧。
张贴
