日航咖啡室 (已結業)

同darling行行下街忽然想食生蠔, 紅磡海逸又full booking, 呢度又有位於是就走過黎。上年嚮度食過, 今年加左價後食物質素相對亦提升左。不過唔知係咪因為我地坐冷巷位, d碟都收得唔夠快, 我地出去拎完野食再返黎, 之前隻碟都仲嚮度囉, 要疊左兩三張先至有人黎收。佢d蠔唔係幾得, 唔夠肥美, 照理呢個season食蠔應該唔錯, 但佢呢d真係好瘦弱囉。值得推介個印度師傅即場整既甜品, 我唔知叫乜名, 油酥餅皮做面, 入面夾花生醬等既野(類似街邊格仔夾餅既餡), 即場生煎, 好香脆, 整得好好食, 比蘭桂坊果d更有水準。花膠中湯都好唔錯, 雖然d花膠唔係好上乘果d, 但飲落都有"癡癡"地既感覺, 所以算係咁。仲有個石榴味沙冰, 幾好味, 但飲筒擺得比較陰濕, 唔係個個有留意到, 冇拎飲筒只用杯飲既話就會難飲d。