連和燒豬餐廳

喺中環返工，呢間係我最鍾意嘅一間燒味檔。

可能冇乜人氣，所以唔使長期排隊，除咗放飯時間可能要等一陣，不過如果買外賣就一啲都唔影響。

店內有指定的平價燒味飯，去中環$55竟然食到一餐燒味飯。仲要質素唔差，都幾好食！

佢有個燒味拼盤，有油雞，燒鴨，燒肉，叉燒同燻蹄，加$20有埋燒鵝添。

外賣返屋企，用氣炸鍋翻熱返依然好食。

食物質素好好，不過服務上相對就冇咁好啦。我去嗰日店員講嘢勁細聲我要佢重複佢又唔耐煩。不過香港依家茶餐廳好似都差唔多就算數啦，最緊要都係嘢食好食，又唔使好似一樂咁排隊。