連和燒豬餐廳

喺中環返工，呢間係我最鍾意嘅一間燒味檔。可能冇乜人氣，所以唔使長期排隊，除咗放飯時間可能要等一陣，不過如果買外賣就一啲都唔影響。店內有指定的平價燒味飯，去中環$55竟然食到一餐燒味飯。仲要質素唔差，都幾好食！佢有個燒味拼盤，有油雞，燒鴨，燒肉，叉燒同燻蹄，加$20有埋燒鵝添。外賣返屋企，用氣炸鍋翻熱返依然好食。食物質素好好，不過服務上相對就冇咁好啦。我去嗰日店員講嘢勁細聲我要佢重複佢又唔耐煩。不過香港依家茶餐廳好似都差唔多就算數啦，最緊要都係嘢食好食，又唔使好似一樂咁排隊。…查看更多

你的燒味飯難食到嘔，而且態度惡劣，等待外賣的時候呼喝顧客，環境衛生也是非常之差，警世不要去這間餐廳，除非你喜歡吃劣食，而且喜歡被呼喝，不然的話，相信我，永遠不要去這間餐廳吃飯…查看更多

今日經過中環蘭桂坊試下呢間燒味飯聽朋友講好好味特別係佢嘅燒腩肉，試咗燒腩肉真係好好味，佢係喺棚骨嗰度拆落嚟嘅燒肉窿窿哋好好味，好香，佢嘅叉燒都好好味，加埋薑蓉配燒腩肉，好正😋😋😋…查看更多

今日咁啱做嘢喺中環，諗住晏晝平平哋食個燒味，原來堂食就要加$10，咁我就外賣啦，落單嘅時候同佢講多豉油，多薑蓉最後拎飯嘅時候，見到啲飯白色，我以為姐姐唔知，同佢講多句可唔可以俾啲豉油我，佢就黑口黑面咁話，已經好多㗎啦！你仲想點？跟住我頭也不回咁走去到最後尾亦都係冇超出我預期，個飯係冇豉油㗎，啲雞鹹到好似隔咗夜咁，啲叉燒鞋到會攝牙罅，真心唔會再食，呢個都係我第一個食評服務態度差，店員黑口黑面，一啲服務態度都冇，似唔休做…查看更多

而家一個星期也有來一兩次外賣，哈哈!亦吃過一次堂食，甘堂食價當然貴少少。一般我都是喜歡單併，雙併就少d，兩種燒味享受播，你要求人地比筍位你就吾好諗La，單併也有可能筍筍地架，巨個雞都好好味，又吾老，比左胸一定鞋少少la架la，亦位就滑d，多d皮，葱油咸左d，燒肉飯近排好味左，同無以前甘咸，有d肥瘦有層次，有次食左乳豬飯，係貴d架la，旦好好味羅，個包醬加在上去勁好味，雖然吾係主角，d皮吾脆羅，始終吾即燒即賣，如果重脆就不得了，下次賣番屋企用焗爐焗番熱巨食，燒鵝就成日食la，過得去，比個d出名好多了，起碼見到肉肉同份量，其實好中意個d背脊同肚位，有腌料香味，不過d人就覺吾扺食，鵝最好食更係d脆皮皮皮la，其實重有其牠的，旦我都係鐘情某幾隻燒味。d人成日話d阿姐咩咩咩，又吾係呀，一時時la，要服務好，就去4星，5星酒店/酒樓/酒家吃la。見到拎住把刀C父一日到黑係甘斬，睇到都手累。…查看更多

今日叫咗一個雙拼切雞鵝飯, 老實講佢味道係ok的, 但服務就非一般多數員工都目冇表情, 最大問題係師傅求其將白切雞切到得返皮連骨咁拼, 於是我問嗰位圓面短髮嘅阿姐為何? 佢好唔高興咁回答雙拼個碼係細啲, 真係另人大開眼界！！…查看更多

燒肉的皮我咬不開，問服務員他不回應，問師傅為什麼這樣，他說皮不吃才健康，意思是應該是這樣的。做了幾十年人，第一次吃燒肉有這樣差的經驗！用雪肉來做燒味，很易失誤，這是常識。產品出來效果不好，理應回收換好，不應要客戶接受不快經驗！…查看更多

本身好鐘意食燒味，中環呢間燒味店一向都好多人排隊，因為燒味夠晒大碟，價錢又優惠，快靚正。我今日叫左瘦叉飯配多半隻咸蛋，都只係$55，而且啲員工做野又勤快而且都算有禮貌，讚👍…查看更多

我點了叉燒燒鵝雙拼米粉同凍檸茶，真係難食到超乎想像，完全唔明白點解呢間野可以係中環生存咁耐🤮🤮首先係個米粉，個湯淡好似水咁。舊叉燒上枱時已經係淺紅色，好似冇燒過咁，浸左落湯之後變埋白色，唔講真係唔認得佢係叉燒。燒鵝雖然表面上係燒鵝咁樣，但很明顯係唔新鮮，燒鵝皮已經軟曬漲曬，食咁多燒鵝米第一次見舊燒鵝冇浸過已經係咁，底下一大堆脂肪，肉質又乾又柴，個燒鵝酸梅醬味道好怪。最恐怖係杯凍檸茶，顏色混濁，飲落有淡淡奶茶味。唔係隔離一樂關門，真係唔會食呢間，中曬伏。…查看更多

中環買到40蚊燒味 對我呢啲中環打工仔黎講真係太開心 質素就正常發揮 食過一次燒鴨飯 同埋雞胸飯走蔥 都好足料 但係就稱唔上好味 如果唔太高要求 或者on diet 又唔怕悶 係絕對可以日日叫佢個切雞飯全走…查看更多

想食個平平地既午餐 就揀左佢 $38單拼/雙拼燒味飯 然後外賣又快今次叫左油雞燒肉飯 雞都入味 腩肉都脆但份量比第一次買個時少左 第一次買個時 成座山咁高😂😂 P.s.如果怕血水 就吾建議買🙈…查看更多

今日來到中環，唔熟香港嘅路，盲中中就嚟咗呢間餐廳度食午餐，見人又唔多，咁就入去試吓啦！衛生情況可以接受嘅，只有一個員工未有戴好口罩，如果戴好啲口罩咁就very good啦!野食方面，不過不失，叫咗個乳豬飯同埋燒肉飯！燒肉同乳豬都係脆嘅，亦都唔係話太肥，可以比到佢合格！分量方面就都可以接受嘅，並唔會話太少！跟住叫咗杯凍檸茶。單嚟到真係嚇親，要加成$12 ，一般餐廳都唔會加咁多，而且個茶底都比較普通，檸檬太酸，飲品方面有待改善！…查看更多

成日中午飯經過都未試過，終於今日買一次外賣，燒鵝叉燒瀬粉...返到公司打開一見到燒鵝我就知賴嘢。食咗幾啖，上網睇食評，原來同有位食客同感，瀨粉勁無味，淡到好似病緊時，食乜都冇味嗰重感覺！燒鵝請自行睇相，唔好牙力嘅朋友唔好叫义燒，冇下次📣:(…查看更多

尋日落樓下買外賣見到一樂冇開😫於是行前d見到呢間連和都有唔少人排隊買外賣心諗應該唔會差得去邊🤭一打開呢盒叉燒飯真係好Surprised你都見到有幾大份ga la足足有成八件好大舊嘅叉燒重點係有三舊望落覺得會好乾同韌嘅竟然一d都唔韌！另外有一條菜心同唔夠鼓油嘅白飯值得一讚嘅係飯嘅質素好好唔會淋到痴成一pat唔會硬到似生米而且飯嘅份量同樣大份細食d可能食唔囇總括而言，好推薦大家試因為性價比超高我從未試過係中環食$38而又甘高汁嘅Lunch下次買外賣可能會試下其他野…查看更多

下午經過呢間野就嘗試下，好似新開無耐，所以就試下。點知我叫咗一個叉燒瀨，叉燒勁唔得，瀨粉勁無味。因為價錢唔平又無野飲附送，所以唯有照食曬。服務又差，啲位又窄，差唔多全部都係遊客。失望，不值一試。一定唔會再來，請我都唔來。…查看更多