影片
更多
2021-11-05
379 浏览
之前都有黎開呢間Café，今次得悉會係尖東開新店，所以第一日開張就黎嘗鮮。由於係第一日開張，所以早上11:00黎到已經有人龍，後來得知原來首100位黎既食客均會送1杯飲料，難怪吸引大批人黎排隊呢，當時我已經排到90號籌了（差啲冇免費飲料），不過因為每枱限時食90分鐘，而某啲前面排隊既人臨時縮沙，所以我等左唔駛半個鐘就入到去了。新店分為兩個區域，一邊是沙發位置，另一邊是一般餐桌嘅區域，而我被安排到後者的區域，但下次我希望是坐沙發位置，因為比較靚，可以打卡。今次黎到新店，決定試埋佢既早餐❤️NOC benedict ($128)本人一向鍾意食egg benedict，而呢個比平時食既egg benedict更豐富同健康，肉方面可以選擇煙三文魚或煙肉，而我選擇左三文魚，三文魚有4大片，好抵食，除左平時必定有既水波蛋外，醬汁改用左牛油果醬，而且加入左菠菜，所以成個感覺營養變得更均衡、更健康呢！底層用既係酸種麵包，食落亦更煙韌飽肚。💚Avotato toast ($98)呢個可以話係健康又簡單既選擇，同樣用到煙韌既酸種麵包，而表面放滿牛油果片，感覺絕不吝嗇，鍾意食牛油果既人一定食到好滿足呢。免費飲
由於係第一日開張，所以早上11:00黎到已經有人龍，後來得知原來首100位黎既食客均會送1杯飲料，難怪吸引大批人黎排隊呢，當時我已經排到90號籌了（差啲冇免費飲料），不過因為每枱限時食90分鐘，而某啲前面排隊既人臨時縮沙，所以我等左唔駛半個鐘就入到去了。
新店分為兩個區域，一邊是沙發位置，另一邊是一般餐桌嘅區域，而我被安排到後者的區域
，但下次我希望是坐沙發位置，因為比較靚，可以打卡。
今次黎到新店，決定試埋佢既早餐
❤️NOC benedict ($128)
本人一向鍾意食egg benedict，而呢個比平時食既egg benedict更豐富同健康，肉方面可以選擇煙三文魚或煙肉，而我選擇左三文魚，三文魚有4大片，好抵食，除左平時必定有既水波蛋外，醬汁改用左牛油果醬，而且加入左菠菜，所以成個感覺營養變得更均衡、更健康呢！底層用既係酸種麵包，食落亦更煙韌飽肚。
💚Avotato toast ($98)
呢個可以話係健康又簡單既選擇，同樣用到煙韌既酸種麵包，而表面放滿牛油果片，感覺絕不吝嗇，鍾意食牛油果既人一定食到好滿足呢。
免費飲品方面
就揀左一杯好似叫黃金飲料既飲品（忘記名字及價錢了），味道及感覺似係氣泡水加入果汁及糖漿，甜得黎又清新，算係咖啡以外既一個唔錯既選擇呢。
由於本身都有去開呢間Café既習慣，其他食物如蛋撻都係值得推介的，只係今次冇食到，而家開左係尖東站附近，對於我呢啲新界人士黎講係更方便了，所以應該之後會更常去吧。
NOC benedict
$128
45 浏览
0 赞好
0 留言
Avotato toast
$98
103 浏览
0 赞好
0 留言
张贴
