霜瀛 (已搬遷) 新店位置

上環Omakase首推霜瀛，同幾個同事去慶功都食過好幾次，每次都會有驚喜😋套餐(HK$1580)，有前菜、時令刺身四款、季節料理一款、手握壽司六件，所有套餐附上茶碗蒸、湯品及甜點。自家製鯛魚湯鮮味無窮，飲到啖啖鯛魚香味。茶碗蒸是三文魚籽蒸蛋，綿滑順口超正😍八爪魚十分新鮮，配上柚子皮及竹炭鹽，味道鮮之餘，亦有口感~十分彈牙有嚼勁。岩手縣石垣貝壽司肉質厚實爽脆，味道鮮甜😛甜品仲有我最鍾意嘅北海道雷電赤肉蜜瓜，超級消暑解渴又香甜😋由食材、服務到價錢等不同範疇來看，呢間一定係會定期回訪之選👍🏻