松 (已結業)

又到左每月同大食友人食日本野既時候，今次黎左呢間松，餐廳黑色為主，坐左bar枱可以望住師傅整壽司。點左幾樣野食，先有刺身拼盤，內容由師傅發辦，先係深海池魚，刺身厚切，食落新鮮。然後係平靜魚，未食過呢款魚，口感偏實同爽口，都係新鮮既。太力魚同魷魚都係炙過，食落較香口，魷魚好彈牙。最後既鰹魚好大塊，上面有少少汁同蔥，唔洗點豉油食，食得出好濃厚既魚味。之後有幾款壽司，最好味係吞拿魚腩同海膽，海膽鮮甜creamy, 但整體d壽司飯偏多，質素唔太突出。而小食燒牛舌就好正la, 燒完都仲好juicy, 好爽口，好食!燒西京魚亦好正，魚肉好滑，燒到個皮脆脆地，點埋沙律醬好味～炸蠔就比較遜色，雖然有5大件都幾抵食，但炸粉厚左d, 蠔味亦唔突出。最後呢個薑味雪糕幾特別，好似飲緊薑奶咁，為今餐劃上完美句號。