影片
更多
2010-05-15
22 浏览
由於母親大人想在母親節食buffet，做仔女o既當然照辦． 早於兩星期前開始搜集酒店buffet資料． 記得兩、三年前都試過喜來登酒店入面嗰間The Cafe o既Dinner Buffet，印象ok，未算差，所以又再次試吓啦． 於是訂了一張12人枱，接電話嗰位叫Eva話做緊"買4送一"，剩餘的人數用HSBC 白金咭可享有85折． 5星級酒店o黎講，計落價錢都算ok啦． 當日一行11人去到，安排咗張長枱比我哋． 佢哋話生蠔要Order，其他食物就自己出去取． 咁我記得先前問過嗰位Eva D生蠔有幾多種，佢話只有美國一種，即Order即開，好新鮮． 仲話自己間酒店攞咗o麥嘢ISO20000喎． 好勁嗰喎！ 點知第一Round o黎o既生蠔完全唔掂．唯有叫Waiter換咗佢． 第二次再o黎 一打，比第一次合格，所以再Order多一打，今次Order的時間足足比第一、第二次耐． 等咗三十分鐘都未有生蠔o黎． 咪再'吹'Waiter囉，佢哋話做緊，唯有邊等邊出去攞嘢食住先啦． 過多15分鐘，生蠔終於送到． 究竟開生蠔o既人係咪新o黎，開足45分鐘至開到一打． 我見其他枱都係等咗好耐致有生蠔上枱
當日一行11人去到，安排咗張長枱比我哋． 佢哋話生蠔要Order，其他食物就自己出去取． 咁我記得先前問過嗰位Eva D生蠔有幾多種，佢話只有美國一種，即Order即開，好新鮮． 仲話自己間酒店攞咗o麥嘢ISO20000喎． 好勁嗰喎！ 點知第一Round o黎o既生蠔完全唔掂．唯有叫Waiter換咗佢． 第二次再o黎 一打，比第一次合格，所以再Order多一打，今次Order的時間足足比第一、第二次耐． 等咗三十分鐘都未有生蠔o黎． 咪再'吹'Waiter囉，佢哋話做緊，唯有邊等邊出去攞嘢食住先啦． 過多15分鐘，生蠔終於送到． 究竟開生蠔o既人係咪新o黎，開足45分鐘至開到一打． 我見其他枱都係等咗好耐致有生蠔上枱．莫名奇妙! 有幾枱仲未夠9點都埋單走咗． (Buffet Time : 06:30 - 10:00pm)，其實D食物種類唔多，只不過國際美食的貨色．沒有一種特別吸引．
到叫餐茶時，問Waiter有咩選擇，佢竟然話唔知道．要問吓先，轉頭回覆．其實食Buffet，一般餐茶來來去去都係咖啡、奶茶、檸茶和檸水等等． 仲要去問，一D都唔專業． 最離譜當然係覆都唔記得覆我哋，咩嘢服務態度． 咁見嗰Waiter冇番轉頭，咪照落單要咗奶茶、檸茶和檸水囉!
約9:30pm左右，當時見酒店開始收拾食物 ，準備當晚宵夜Buffet． 食物已停止refill，只剩甜品供應最多． 跟住見有位身型略胖好似Manager級o既女人行到每枱問D客人今晚食物OK嗎? 聽到隔離話食物麻麻哋． 行到我哋張枱，佢問我哋其中一位朋友，見我朋友曾經企咗係類似大排檔o既booth度好耐，就同我朋友講佢哋出名o既深井奶茶．要$68一杯，仲話佢哋o既宵夜Buffet好好食．跟住話要請我嗰位朋友飲一杯添． 結果，到埋完單．嗰杯所謂深井出名o既奶茶仍未見影． 當然，連嗰位身型略胖好似Manager級o既女人都失埋踪啦!!
呢間餐廳食物普通、服務一般，但最差係個個好似失憶． 講完o既嘢完全冇做到，上至Manager下至Waiter． 完完全全唔掂！！ 今時今日咁o既 服務態度，好難有第3次了．
张贴