今次嚟到尖沙咀日式放題中嘅殿堂級別嘅「殿.大喜屋」，呢度刺身新鮮，食物質素係大喜屋系列中最高。餐廳環境乾淨闊落，空間感十足，放題更加大升級，平日午時3小時任食過百款食物，包括最近新推出波士頓龍蝦、鱘魚子醬、避風塘炒蟹、蒜蓉粉絲蒸蟶子王、油鹽焗大頭蝦、海膽軍艦等，海鮮控必定鍾意。
新品
新品有酒店自助餐質素嘅波士頓龍蝦，龍蝦經過開邊處理，肉質爽口彈牙，味道鮮甜，蝦膏香濃，旁邊配上泰式酸辣醬，酸辣味道可以提鮮；鱘魚子醬，原罐上枱，味道鹹香突出，用嚟配搭壽司同埋刺身好夾；
XO醬蒜蓉粉絲蒸煙子皇，蒜香濃郁，肉質爽彈；
海膽軍艦，海膽用上日本海膽，味道甘甜濃郁，入口即化。
刺身類
刺身種類繁多，有三文魚、油甘魚、池魚王、金槍魚腩、希靈魚、北寄貝、赤貝、北海道鮮帶子、赤海蝦、泰式虎蝦、甜蝦。每款刺身都好新鮮，三文魚腩厚切，肉質肥美，鮮味濃郁；金槍魚腩，油脂分佈均勻，入口軟嫩，魚油甘香；赤海蝦，大隻新鮮，肉質爽彈，味道鮮甜，口感軟潤；北海道帶子，肉質鮮嫩，味道鮮甜。
一品料理
油鹽焗大頭蝦，蝦頭爆膏，鹽焗味道鹹香，蝦肉口感爽彈；金湯繪花膠，口感滑溜，充滿滋潤養顏嘅骨膠原。
創作料理
蜜柑鯛薄切，晶瑩剔透，帶有柑橘嘅香氣同埋清爽甜味；
花雕醉鮑魚，鮑魚帶有花雕酒香，肉質滑嫩，爽口彈牙 。
串燒
燒榴槤，入口綿密，口感creamy，味道香濃，榴蓮控必定要試；鹽燒雞軟骨，雞軟骨味道鹹香，香脆惹味。
燒物
燒香草羊鞍，羊鞍惹味，肉嫩Juicy有肉汁，加上芥末醬更惹味 ；川味燒鮮蠔，蒜味香濃，蠔肉鮮味肥美，帶有川味嘅香辣。
自助熟食區
熟食區美食種類繁多，包括有三文魚餃、雞肉、麻辣小龍蝦、唐揚雞球、炸餃子等，另外仲設有點心區。
自助飲品區
飲品種類繁多，除咗有一般汽水、果汁、啤酒、茶嘅飲品之外，仲有大喜屋自家製冷泡茶同埋港式奶茶；另外設有生啤、清酒、梅酒、熱飲同埋果汁區。
雪糕區
雪糕種類繁多，有MÖVENPICK、日本版Häagen-Dazs雪糕任食，好吸引。
