影片
更多
2018-09-21
138 浏览
三五知己約埋一齊聚餐，尖沙咀美食多，我哋就揀選左係一個華麗裝修嘅大廈上面嘅一間西餐廳。一進入電梯大堂，清閑嘅香薰香水味道吸引左我們，感覺良好。一打開電梯門就見到餐廳了，餐廳佔全場，環境空間好大，更附設卡位同埋高枱二人、四人梳化枱等位置。水吧尤其漂亮，燈光配搭着玻璃杯打出嚟嘅光影，非常耀目。餐牌嘅食物圖片非常吸引，而且圖文並茂，樣樣都想試吓。小食方面叫咗法式鵝肝同埋單骨雞翼。單骨雞翼大約有六七條，而且面頭鋪滿黑色嘅芝麻粒，食落去雞皮香脆可口，比較乾身。法式鵝肝賣相好吸引，一份有兩件，配以旁邊嘅蔬菜感覺非常Fresh。鵝肝煎得外脆內軟，食落去有入口即溶嘅口感，好Juciy。主菜方面我哋叫咗三款，包括墨汁海鮮意大利飯、BBQ醬配燒豬肋骨同埋法式燒羊架配薄荷。當中我最鍾意食嘅羊架，一份有三支骨，肉質呈現半肥瘦，食落去外皮有少少脆口，而且一啲都唔油膩，幾好食。飲品方面，每一款賣相都好特色好吸引，最後我哋每人分別叫咗一杯Milk ChocolateMix Berry Yogurt 同埋Blue Hawaiian。朋友大愛藍色，佢都大讚Blue Hawaiian特飲唔會太甜，味道剛剛好。食埋甜品心太
三五知己約埋一齊聚餐，尖沙咀美食多，我哋就揀選左係一個華麗裝修嘅大廈上面嘅一間西餐廳。
一進入電梯大堂，清閑嘅香薰香水味道吸引左我們，感覺良好。
一打開電梯門就見到餐廳了，餐廳佔全場，環境空間好大，更附設卡位同埋高枱二人、四人梳化枱等位置。
水吧尤其漂亮，燈光配搭着玻璃杯打出嚟嘅光影，非常耀目。
餐牌嘅食物圖片非常吸引，而且圖文並茂，樣樣都想試吓。小食方面叫咗法式鵝肝同埋單骨雞翼。
單骨雞翼大約有六七條，而且面頭鋪滿黑色嘅芝麻粒，食落去雞皮香脆可口，比較乾身。
法式鵝肝賣相好吸引，一份有兩件，配以旁邊嘅蔬菜感覺非常Fresh。
鵝肝煎得外脆內軟，食落去有入口即溶嘅口感，好Juciy。
主菜方面我哋叫咗三款，包括墨汁海鮮意大利飯、BBQ醬配燒豬肋骨同埋法式燒羊架配薄荷。當中我最鍾意食嘅羊架，一份有三支骨，肉質呈現半肥瘦，食落去外皮有少少脆口，而且一啲都唔油膩，幾好食。
飲品方面，每一款賣相都好特色好吸引，最後我哋每人分別叫咗一杯Milk ChocolateMix Berry Yogurt 同埋Blue Hawaiian。朋友大愛藍色，佢都大讚Blue Hawaiian特飲唔會太甜，味道剛剛好。
食埋甜品心太軟，就已經非常飽肚滿足了。
最後四個人埋單都只係$1400有找，每人平均消費$300左右，就可以享用高質素食物、舒適環境同埋殷勤服務，真係值回票價。
张贴
