.
終於試到台灣過嚟嘅人氣店「段純貞」🥳🥳小店裝修簡約帶文青風，座位闊落，湯底同麵質的確有驚喜👏
1️⃣ 燉濃湯雞麵 + 手工粗麵 + 溏心蛋 🍗🥚
湯頭真係不得了！乳白色嘅雞湯燉到超濃郁，飲落有股豚骨湯嘅膠質感，但味道更清甜唔油膩，忍唔住飲晒成碗湯！手工粗麵掛湯力一流，咬落煙韌有麵香，仲帶啲彈牙感～溏心蛋流心度剛好，醬油滷得入味！
2️⃣ 紅燒腱心半筋半肉牛肉麵（微辣） 🌶️🐄
紅燒湯底比想像溫和，微辣只係輕輕提鮮，唔會搶走牛骨香甜。牛筋燉到半透明咁淋滑，一呡就化開；牛腱心厚切有咬口，肉紋間吸滿湯汁～麵同樣揀咗粗麵，配濃湯真係天作之合！溏心蛋依舊高質，撈埋湯汁食更邪惡😈
3️⃣ 台式滷菜拼盤 🥢
必點！豆乾滷得透心；杏鮑菇肥厚多汁；娃娃菜清甜解膩；花生軟糯帶八角香；麵筋就最吸味，咬落「索索聲」～滷水甜鹹平衡，唔會死咸！
4️⃣ 蒜粒古早台灣腸 🧄🌭
腸衣煎到脆卜卜，入面豬肉餡油脂甘香，夾住爆脆嘅蒜片、生蒜片食，辣勁同油香撞出台灣夜市風味！
5️⃣ 滷肉青菜（油麥菜） 🥬
菜心焯得嫩綠脆身，面頭淋咗啲台灣滷肉碎，肥瘦均勻嘅肉燥鹹中帶甜，撈埋菜食好開胃！
6️⃣ 鮮青檸梳打 🍋💦
超解膩！梳打氣足，加咗少少糖漿平衡，飲完即刻Refresh！
🌟湯麵真材實料，特別推介雞湯同半筋半肉款，滷味小食亦高質、份量足，翻兜首選！
段純貞牛肉麵✨
📍 地址：尖沙咀柯士甸道西1號ELEMENTS圓方火區2樓2132號舖
