影片
更多
2009-01-02
18 浏览
一月一日天氣寒凍~夜晚想食一0的暖食既野~所以就決定兩個人去食一個羊腩煲加煲仔飯…西環間坤記一向都勁多人又要勁等….最近發現係附近都開左一間同名既坤記~賣既野差唔多…唔肯定係咪同一間, 不過見少人0的....所以就去試下啦…去到都有幾檯人等緊, 不過我地兩個人所以好快就有位…呢類街坊小店預左係好迫…三檯人坐一張中型檯, 中間有一個電磁爐….其中一檯三個男人就係晌度食緊羊腩煲…落order想叫一個臘味滑雞飯同埋羊腩煲…點知伙計話…:”無爐喎….食唔到住….”個心一沉…唔通真係要等佢地食完用完個爐我地先可以用???但係佢地只係岩岩開始食左一陣…….但係無辦法, 我地真係好想食羊腩煲…..唯有同個阿姐講話如果有檯就轉俾我地……另一方面就唯有等果個煲仔飯黎先~但係果個待應又講話: “第67煲……” sheep話佢唔知有無聽錯……..但係個待應又好似真係咁講……好在裡面有兩部大電視可以睇, 可以消磨一下時間, 終於…第左半套劇集之後, 即係將近半個鐘, 人地終於食完, 就連坐係我地隔離另一對情侶都睇唔過眼, 叫我地快0的叫羊腩煲...坐左咁耐都無得食好慘喎....~~~羊腩煲90蚊送一碟生菜….
去到都有幾檯人等緊, 不過我地兩個人所以好快就有位…呢類街坊小店預左係好迫…三檯人坐一張中型檯, 中間有一個電磁爐….其中一檯三個男人就係晌度食緊羊腩煲…落order想叫一個臘味滑雞飯同埋羊腩煲…點知伙計話…:”無爐喎….食唔到住….”個心一沉…唔通真係要等佢地食完用完個爐我地先可以用???但係佢地只係岩岩開始食左一陣…….但係無辦法, 我地真係好想食羊腩煲…..唯有同個阿姐講話如果有檯就轉俾我地……另一方面就唯有等果個煲仔飯黎先~但係果個待應又講話: “第67煲……” sheep話佢唔知有無聽錯……..但係個待應又好似真係咁講……
好在裡面有兩部大電視可以睇, 可以消磨一下時間, 終於…第左半套劇集之後, 即係將近半個鐘, 人地終於食完, 就連坐係我地隔離另一對情侶都睇唔過眼, 叫我地快0的叫羊腩煲...坐左咁耐都無得食好慘喎....~~~羊腩煲90蚊送一碟生菜….裡面有羊腩, 馬蹄同埋荀…好好味~而且0的羊腩好淋好入味….裡面好多馬蹄同荀…0的荀吸晒羊腩煲裡面既精華…不過有少少美中不足既係無左冬菇…如果唔係就好完美啦~
差唔多食到一半個煲仔飯終於都黎呢….都真係等左一個鐘多0的先有…一開再落豉油, 好香, 熱辣辣真係冬天佳品呢~….我唔食臘味所以留返俾sheep食…不過0的雞就略嫌乾左少少同埋唔係太夠滑….不過0的飯就煮得幾好…粒粒分明~而且亦有唔少飯焦…..~
呢餐差唔多食左個半鐘, 但係有九個字都係晌度呆等~期間有好多檯等煲仔飯都等到好呆滯, 仲不時問待應到底仲要等幾耐先得…個個都差唔多要等至少一個鐘~無辦法~佢果度只係得五六個爐頭…要食真係要等~所以奉勸千其唔好係好肚餓既時候黎~或者先叫多幾個小菜頂住肚先….唔係真係會餓死……
张贴
