明記咖啡糖水小食 (已結業)

4月10日同開飯友去完BBQ之後,同平時一齊晚餐之後一樣,都係去搵番間糖水店潤下佢,尤其是蕉完後,又熱又咩咁,就更加要啦!因為我地成二十人,所以都要等下,去到先發現原來我N年前黎過!咁多人,佢地就開左閣樓比我地坐,安頓好之後,就各人揀心水甜湯喇,本來我想食熱既,但本身已經好熱,再食D熱野落去,分分鐘曉噴火呀,於是乎叫左楊枝金露,未黎前先食左小通和亞芝的台灣手信(謝謝!),好喇,上檯喇!下?白色既,死啦!唔係奶黎嘛,我唔食架!冒死食一啖先啦,好彩,唔係黎既,應該係椰汁卦,其他既材料其實都幾多,不過就稀得滯囉!個人建議一係加多D料,一係就減少水既份量,我寧願細碗D都唔拘,另外仲叫左個合桃糊布甸大家分享,合桃味幾出之餘都好滑,唔錯!我估同檯食友都有幾多人好榴槤既,個日本來想叫D榴槤甜品比愛好者分享下!奈何呢度有個怪規矩,不設堂食,只限外賣,咁我地呢班嘩鬼梗係要知下點解啦!最搞野開頭有人同阿姐講,咩食完幫佢掉出去,總之食完就幫佢毀屍滅跡,但阿姐仍然無動於衷,再三追問之下,先知不設堂食既原因係老細唔鍾意榴槤,但又有食客要求有榴槤既甜品買,所以出此下策囉!計我話,老細唔鍾意榴槤,不如索性唔好買,又