影片
近日心思思好想食西米露，于是决定收工去西湾河，揾返学生时期食糖水的回忆☺️☺️西湾河明记有两间，大铺同细铺，平日下午5点左右，净系开咗呢间细铺～入面仲有几个中学生食紧🤣记得以前都会放学同几个朋友一齐食糖水同吹水，宜家眼前嘅场境依旧无变🤭舖头仲有阵怀旧风味杂果西米露 $38同以前一样西米露依然系大大碗，啱晒两个人share，记得要嗌多只碗仔分😆价钱就升咗少少，都仲系抵食👍🏻杂果有香蕉、蜜瓜、哈密瓜、西瓜同芒果，仲有珍珠配料，系以前嘅味道呀
继续阅读
嗌咗冇耐就到，非常迅速。一啖食落去，芝麻味即刻喺口腔入面爆发，就算系冻芝麻糊都系噉话，好耐冇食过噉够味嘅芝麻糊。停唔到口，唔够三分钟已经食晒落肚，极之满足。食饱事被朋友发脾，话我一啖都冇谂过留畀佢食😂。真系唔好意思呢，好耐冇遇到噉好食嘅芝麻糊😫 一路都停唔到口！另外铺头保留传统装潢，在我眼中系既实又华。喺细卡位、纸皮石地下嘅陪伴下，碗糖水格外味美🤤。最后提提大家，「明记咖啡糖水小食」位于西湾河街一斜路上，有蓝色铺面，唔好同另一间于平地上嘅「明记甜品」捞乱呀！
继续阅读
呢间位于西湾河嘅糖水店，记得两三年前都食过几次，最近经过再番check ②睇吓有冇以前咁好质素！除咗传统糖水都有好多选择，例如绵绵冰、木糠布甸、芋圆系列等等芋圆糖不甩 $24以呢个价钱有呢个份量，真心不错！芋圆烟靭得来唔会弹牙到好似软糖咁，质地啱啱好糖不甩花生碎亦都唔会好甜西米芋圆豆腐花 ＄37同样系大大碗，芋圆份量一样多，不过豆腐花豆味就争啲~食得落嘅记得加钱点多啲配料，份量同样十足总括而言，虽然冇记忆中咁大碗都咁好食，但性价比都算系咁~记得唔好去错明记甜品，要去明记糖水！
继续阅读
每次同朋友一去到港岛东，就一定要食呢间明记糖水！餐厅有好多款糖水选择，我哋就叫咗招牌嘅多芒小丸子同埋双色绵绵冰多芒小丸子份量真系好多，小丸子烟烟韧韧好有咬口。配搭埋底层嘅芒果沙冰酸酸甜甜又好食！难怪佢可以成为明记嘅招牌甜品之一！另外就叫咗个双色绵绵冰-云呢拿同埋朱古力。云呢拿正正常常，反而佢个朱古力味真系好有惊喜！食落觉得朱古力味好浓，仲要越食越觉得自己好似食紧真朱古力咁🤣配料亦都十分之足料，有西瓜同埋其他生果，真系食唔停口！所以每次嚟到西湾河一定要食佢❤️❤️
继续阅读
𝕩 注意呢间同同街138-140号「明记糖水」唔同 𝕩好久没吃饭后来吃糖水了港岛东嘅糖水 #良心小店 真系唔多呢间明记有齐中式同西式甜品✌🏻选择都多价钱有平有贵, 今次就选择咗贵少少嘅甜品⊱ 朱古力木槺冻饼 ( ᴴᴷᴰ 44 )平时出街真系好少机会食冻饼面头洒满饼碎, 底层系木槺底冻饼层就系食紧成旧雪糕咁🥰真系好好食、好出色！⊱ 雪糕焦糖奶白 ( ᴴᴷᴰ 42 )奶白其实就系蛋白奶冻配上云呢拿雪糕、芒果果肉嚟食都意外的好吃~
继续阅读