聚手工火鍋 (已結業)

天氣凍最好就係約三五知已打邊爐啦，同同事到尖沙咀首嘗聚手工火鍋打邊爐聚餐，餐廳環境都幾好，仲好乾淨，食得放心。 海底椰鮮雞鍋底，睇個湯既色就知海底椰味道有幾濃啦，雞湯好鮮美，好好饮，一口氣飲左兩碗。 大隻桶蠔肉好厚，煮熟都無縮水，蠔香味鮮。用一個字形容就係正！！！手打四寶丸︰牛肉丸、豬肉丸、鮮蝦丸同墨魚丸，滿足各位同事既口味，全部都係手打既好有咬口唔會話好散咁，特別係墨魚丸咁咬落仲有粒粒，仲好香既墨魚味。用心製作既佳品。 打邊爐，點可以唔叫牛，叫左個牛四味，各部位都有唔同既味道。哈哈！一次過滿足你四個願望。牛肉非常滑，食多都唔會膩。 蔬菜拼盤，菜蔬用料佳，排得好靚呀，清洗鋪排乾淨企理。好甜美。